Издательский дом Редакция Подписка
Погода в Якутске: . -13 oC

"Үстэриттэн сэттэлэригэр диэри саастаах оҕолорго ананар босуобуйаны тоҕо мин баччааҥҥа диэри ыла иликпиний? Билэр дьонум сайабылыанньаларын мин кэннибиттэн биэрбиттэрэ уонна номнуо кинилэр счеттарыгар харчы түспүт".

"Үстэриттэн сэттэлэригэр диэри саастаах оҕолорго ананар босуобуйаны тоҕо мин баччааҥҥа диэри ыла иликпиний? Билэр дьонум сайабылыанньаларын мин кэннибиттэн биэрбиттэрэ уонна номнуо кинилэр счеттарыгар харчы түспүт".

Итинник курдук ис хоһоонноох ыйытыылар өрөспүүбүлүкэ салалтатын, итиэннэ СӨ Үлэҕэ уонна социальнай сайдыыга министиэристибэтин аатыгар күннэтэ киирэ тураллар. Аҥардас ааспыт нэдиэлэҕэ бу боппуруоһунан 101 эппиэти тустаах министиэристибэ биэрдэ.  Ол иһин босуобуйа туһунан сэҥээрээччилэргэ өссө төгүл этэбит: 3-тэриттэн 7-лэригэр диэри саастаах оҕолорго ананар босуобуйа дьиэ кэргэн хас биирдии чилиэнигэр тиксэр дохуота тиийинэн олоруу алын кээмэйиттэн намыһах буоллаҕына эрэ төлөнөр.

Дьиэ кэргэн дохуотун туоһулуур, ону бигэргэтэр докумуоннары Нолуок сулууспатыттан, Биэнсийэ пуондатыттан ылар, ону сэргэ ИДьМ, ЗАГС, о.д.а тэрилтэлэриттэн ирдэнэр ыспыраапкалары хомуйсар туһуттан социальнай харалта управлениета ыам ыйын 20 күнүттэн өрөбүлэ суох суукканы толору тохтообокко үлэлиир.  

Ол курдук, от ыйын 9 күнүнээҕи туругунан барыта 48 088 сайабылыанньа киирдэ. Итинтэн судаарыстыбаннай уонна муниципальнай өҥөлөрү оҥорор портал нөҥүө – 43 535, социальнай харалта управлениетыгар – 4 328,  элбэх хайысхалаах кииҥҥэ (МФЦ) – 225.

Киирбит сайабылыанньалартан 33 927-тэ (70,5%-на) көрүлүннэ. Ирдэбилгэ сөп түбэһэринэн 21 977 сайабылыанньаны ылыннылар,  11 950 сайабылыанньаҕа аккаастаатылар. Онон билиҥҥи туругунан өрөспүүбүлүкэ үрдүнэн 29 816 оҕоҕо босуобуйа ананна. Итини харчытыгар таһаардахха, 1 582,87 мөл. солкуобай тус счеттарынан түҥэтилиннэ.

Тустаах тэрилтэлэртэн бигэргэтии ыларга дьиэ кэргэн хас киһиттэн турара, олохторун таһыма, укулаата хайдаҕа -- барыта учуоттанар. Ол туһуттан оннооҕор атын регионнарга кытта эрийэн туоһулаһабыт, ыспыраапка ылабыт. Оттон дааннайдара биһиги бырагыраамабытыгар баар буоллаҕына, эппиэтэ түргэнник быһаарыллар. Ол иһин сайабылыанньа көрүллэр болдьоҕо барыларыгар араас-араас. Манна даҕатан эттэххэ, дохуот туһунан сибидиэнньэ Нолуок сулууспатыттан эрэ ылыллыбат, атын тустаах уорганнартан эмиэ.

Сайабылыанньа улахан аҥара көрүлүннэ. Тутан саҕалаабыт бастакы күннэрбитигэр аһара элбэх киһи тэҥинэн биэрэн, тэрилтэлэри кытта сибээстэһэр ханаалбытын кэҥэтиигэ үлэ барда.

Онон, ытыктабыллаах көрдөһүүлээхтэр, ыксаабакка күүтэргитигэр, хоруй кэлэрин кэтэһэргитигэр. Киирбит сайабылыанньа барыта көрүллэр, ким да киэнэ болҕомтоҕо ылыллыбакка хаалбат. Босуобуйаны ылыы усулуобуйатын ирдэбилигэр бары өттүнэн сөп түбэһэр дьиэ кэргэттэр  харчыларын булгуччу  ылыахтара.

Сайабылыанньа көрүллэр болдьоҕо -- 20 үлэ күнэ.

Санатан эттэххэ, бу көмөнү ылар туһуттан сайабылыанньа эрэ суруйуохха наада. Ону социальнай харалта управлениетыгар аҕалан, биитэр почтанан ыытан, биитэр «Мои документы» илдьэн, эбэтэр судаарыстыбаннай уонна муниципальнай өҥөлөрү оҥорор портал  нөҥүө биэриэххитин сөп.

Бу көмө төлөбүр 2020 с. тохсунньутуттан ааҕыллар (перерасчет оҥоһуллар). Кылаабынайа, ол кэмҥэ оҕо 3 сааһын туолбут буолуохтаах.

СӨ Үлэҕэ уонна социальнай сайдыыга министэриэстибэтин пресс-сулууспата

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
Лента новостей

Суоппар буолар уустугурда

Муус устар 1 күнүттэн байаҥкамаат бэбиэскэтиттэн куотунар дьону тырааныспары ыытар…
28.03.24 17:19
Лента новостей

Интерактивнай быыстапка

«Арассыыйа – Мин устуоруйам» мультимедийнай устуоруйа пааркатыгар кулун тутар 20 күнүттэн…
28.03.24 16:23