- Фундаментальнай уонна прикладной хайысхаларынан утумнаахтык, дьаныардаахтык дьарыктана сылдьар наука үлэһиттэрин Арассыыйа наукатын күнүнэн итиитик-истиҥник эҕэрдэлиибин! РФ Бэрэсидьиэнэ Владимир Путин 2021 сылы Арассыыйаҕа наука уонна технология сылынан биллэрбитэ. Бу чэрчитинэн, дойду үрдүнэн научнай бырайыактар, федеральнай таһымнаах чинчийэр бырагыраамалары олоххо киллэрии күүскэ, далааһыннаахтык ыытыллыахтара. Итинэн сиэттэрэн, науканы сайыннарарга, учуонайдар үлэлиир усулуобуйаларын тэрийиигэ төһүү күүһүнэн буолуохтаах сокуоннары оҥорууга эмиэ сөптөөх үлэ ыытыллыаҕа. Саха Өрөспүүбүлүкэтин салалтатын сүрүн сыалынан инновация көдьүүстээх буоларын ситиһии, талааннаах эдэр ыччаты өйөөн, аныгы сайдыылаах, тэтимнээх олоххо аныгы технологияны баһылыылларыгар болҕомтону ууруу буолар.
Ил Дархан Ыйааҕынан «2020-2024 cc. өрөспүүбүлүкэ научнай-технологическэй өттүнэн сайдыыта» диэн бырагыраама бигэргэммитэ. Бу СӨ социальнай-экэнэмиичэскэй сайдыытын стратегиятыгар улахан төһүү күүһүнэн буолар. Биһиги бары түмсэн, биир санаанан салайтаран, наука, үөрэх, биисинэс тэрилтэлэрэ бииргэ үлэлээн, улахан ситиһиилэнэллэригэр уонна научнай оскуолалар сайдалларыгар, эдэр учуонайдар чинчийэр үлэлэрэ кэҥииригэр судаарыстыбаннай көмө, өйөбүл баар буолалларын ситиһиэхпитин наада. Өссө төгүл барыгытын Арассыыйа наукатын күнүнэн эҕэрдэлиибин!
-
0
-
0
-
0
-
0
-
0
-
0
