Былырыын 9 кылааһы 3759 оҕо бүтэрбит, кинилэртэн 3130 Саха Сирин үөрэҕин кыһаларыгар киирбиттэр, 639 выпускник өрөспүүбүлүкэ тас өттүгэр үөрэнэ барбыттар. Баһыйар өттүлэрэ инженер, технология идэтин талан тиэхиньиичэскэй үөрэххэ үөрэнэллэр.
СӨ Үөрэххэ министиэристибэтин билимҥэ, идэҕэ үөрэтиигэ, тус сыаллаах бэлэмнээһиҥҥэ судаарыстыбаннай бэлиитикэни ыытар департаменын салайааччытын солбуйааччыта Александр Кочмар этэринэн, урут дьон барыта үрдүк үөрэхтэнэ сатыыра, билигин кэллиэһи, тиэхиньикуму бүтэрбит орто үөрэхтээх дьоҥҥо наадыйыы улаатан 52% тиийбит, үрдүк үөрэхтээх дьоҥҥо наадыйыы кыччаан 38% диэри намтаабыт, үөрэҕэ суох хара үлэни толорооччуга наадыйыы 10%.
Күн бүгүн өрөспүүбүлүкэҕэ доруобуйа харыстабылыгар, социальнай өҥөҕө 12800, таһаҕаһы тиэйиигэ уонна харайыыга 12400, сир баайын хостуурга 11300, үөрэх салаатыгар 9900 үлэһит наада.
Хаартыска СИА.
-
0
-
0
-
0
-
0
-
0
-
0
