2026/2027 үөрэх сылыгар ХИФУ-га 4036 бүддьүөт миэстэтэ, ЧИФКиС-кэ 163, Уу тырааныспарын Дьокуускайдааҕы үнүстүүтүгэр, СГУВТ филиалыгар 207, АГАТУ 715, АГИКИ 122, Муусука үрдүкү оскуолатыгар 34 миэстэ баар. Уопсайа 5277 миэстэҕэ оҕолор бүддьүөт суотугар босхо үөрэниэхтэрэ. Кэммиэрчэскэй үөрэххэ киирбит оҕолор төрөппүттэрэ бэйэлэрэ төлүүллэр, ити сыалга сүрүн бааннар кирэдьиит биэрэллэр, эбэтэр тус сыаллаах дуогабары түһэристэххэ, үлэни биэрээччи, өрөспүүбүлүкэ, эбэтэр «Работа в России» нөҥүө Арассыыйа төлүүр.
2026/2027 үөрэх сылыгар ХИФУ-га 4036 бүддьүөт миэстэтэ, ЧИФКиС-кэ 163, Уу тырааныспарын Дьокуускайдааҕы үнүстүүтүгэр, СГУВТ филиалыгар 207, АГАТУ 715, АГИКИ 122, Муусука үрдүкү оскуолатыгар 34 миэстэ баар. Уопсайа 5277 миэстэҕэ оҕолор бүддьүөт суотугар босхо үөрэниэхтэрэ. Кэммиэрчэскэй үөрэххэ киирбит оҕолор төрөппүттэрэ бэйэлэрэ төлүүллэр, ити сыалга сүрүн бааннар кирэдьиит биэрэллэр, эбэтэр тус сыаллаах дуогабары түһэристэххэ, үлэни биэрээччи, өрөспүүбүлүкэ, эбэтэр «Работа в России» нөҥүө Арассыыйа төлүүр.
Тус-туһунан үөрэххэ киирэргэ баал алын боруога олохтонор, холобур, МГУ-га киирэргэ нуучча тылыгар 60 баалтан итэҕэһэ суох буолуохтаах, Герцен аатынан РГПУ-га нуучча тылыгар 50 баалы, ХИФУ-га 40 баалы ирдииллэр. Математикаҕа МГУ-а 60, Герцен аатынан РГПУ-га, ХИФУ-га 40 баалтан намыһаҕа суох түгэнигэр биирдэ ааһаҕын. Итинтэн кыра бааллаах дьон ити үөрэххэ киирэбит диэн дураһыйымыахтарын сөп.
2025 с. бүддьүөт миэстэтигэр киирэргэ педагогическай үөрэххэ Санкт Петербурга Герцен аатынан РГПУ-га проходной баал 243, Дьокуускайга ХИФУ 223, Владивостокка ДВФУ 236 этэ. Ньиэп-гаас үөрэҕэр СПБГУ проходной баала 245, ХИФУ 226, ДВФУ 185. Экэниэмикэҕэ СПБГУ 260, ХИФУ 217, ДВФУ 218. Көстөрүн курдук дойду киин куораттарын кыһаларыгар бары хайысханан үөрэнэ киирэргэ тургутук баала лаппа үрдүк.
Хаартыска Мария Васильева, СИА.
0
0
0
0
0
0
