-- Саха сиригэр 9000 тахса учуутал кылааһы салайар. Балаҕан ыйынааҕы төлөбүрдэрин муниципальнай тэриллиилэргэ үөрэх министиэристибэтэ ыыппыт. Өссө муус устар ыйыгар СӨ бырабыыталыстыбатын уонна РФ үөрэҕириитин министиэристибэтин икки ардыларыгар үп көрөр туһунан сөбүлэһии түһэрсиллибитэ. Эбии төлөбүргэ 2020 сылга 545924,4 тыһ. солк. көрүллүбүтэ, 2021 сылга барыллаан 1667889,7 тыһ. солк. көрүлүннэ.Төлөбүр кээмэйэ 5000 солкуобай буолар. Өскөтүн учуутал икки кылааһы салайар буоллаҕына, бу төлөбүр 10000 солкуобай буолар. Төлөбүрү ааҕарга оройуоннааҕы коэффициент, бырыһыаннамыт надбавка учуоттанар. Холобур, Алдан оройуонун Аллараа Кураанах бөһүөлэгэр үлэлиир кылаас салайааччытыгар оройуоннааҕы коэффициены, хотугу надбавканы учуоттанан төлөбүр 9570 солкуобай буолуоҕа, оттон Үөһээ Дьааҥҥы Баатаҕайын учууталыгар – 10440 солкуобай. Санатар буоллахха, Арктика зонатыгар киирсэр улуустарга оройуоннааҕы коэффициеннара 60% буолар. Бу төлөбүрү олохтуурга үлэһиккэ кылааһы салайыы эбээһинэһэ сүктэриллибитин туһунан үөрэх тэрилтэтин салайааччытын бирикээһэ тахсыахтаах.
-
0
-
0
-
0
-
0
-
0
-
0
