Быйыл дуогабар усулуобуйатын 25 учуутал ситиһиилээхтик толорон сибиэдэлистибэ ылбыттарын СӨ үөрэҕин уонна наукатын министиэристибэтин пресс-сулууспата иһитиннэрэр.
Сибидиэтилистибэни туттарыы СӨ үөрэҕин уонна наукатын министиэристибэтигэр ыытыллынна. Кинилэри миниистири бастакы солбуйааччы Михаил Присяжный эҕэрдэлээтэ.
Санатар буоллахха, бу миэрэ «2020-2024 сс. хаачыстыбаннай дьиэнэн хааччыйыы уонна одькх хаачыстыбатын тупсарыы» диэн өрөспүүбүлүкэ бырагырааматын иһинэн олоххо киирэр. 2006 сылтан 2017 сылга диэри СӨ үөрэҕин уонна наукатын министиэристибэтэ педагогтар тиийбэт оскуолаларыгар 330 учууталы үлэҕэ ыыппыт. Ол курдук, физика, химия, биология, история, нуучча тыла уонна литературата, математика, английскай тыл, информатика учууталлара хабыллыбыттар. Ол онтон 290 учуутал судаарыстыбаттан көмө ылан, олорор дьиэлэрин тупсарыммыттар.
Оттон 2016-2017 сс. «Хоту уонна Аартыка улуустарын оскуолаларыгар үлэлиир педагогтары олорор дьиэнэн хааччыйыы» бырагыраамаҕа 30 учуутал киирбит, ол онтон 25 педагог ситэри үлэлээбиттэр.
-
0
-
0
-
0
-
0
-
0
-
0
