Бу күннэргэ Үөһээ Бүлүү үөрэҕин управлениета анал аахсыйа ыытан, эргэ көмпүүтэрдэри хомуйда. «Биирдиилээн ыалтан уонна тэрилтэлэртэн 20-тэн тахса эргэ көмпүүтэр киирбититтэн аҕыс үлэлиир көмпүүтэри таҥан таһаардыбыт. Элбэх оҕолоох ыалларга бэлэхтиэхпит. Ол курдук, бүгүн биир көмпүүтэри Харбалаахха элбэх оҕолоох соҕотох ийэҕэ ыытыахпыт. Итини тэҥэ, улууспут дьаһалтатын быһаччы көмөтүнэн, Москваттан 270 ноутбугу атыыласпыппыт кэлэн иһэр, олору быйыл эппиэтинэстээх эксээмэннээх 9 уонна 11 кылаастар үөрэнээччилэригэр уларсык быһыытынан туһаналларыгар биэриэхпит», - диэн Үөһээ Бүлүүтээҕи үөрэх управлениетын начаалынньыга, улуус дьокутаата Спиридон Борбуев иһитиннэрдэ.
Мааскаҕа аналлаах туттарык
Кэлиҥҥи кэмҥэ аныгы технологияны туһаныы күүскэ ыытыллар. Бу күннэргэ Үөһээ Бүлүүтээҕи Д.С.Спиридонов аатынан 4 №-дээх орто оскуолатын «Точка роста» цифровой киинигэр үөрэнээччилэр 3D технология көмөтүнэн мааска туттарыгын оҥордулар. 300 устууканы оҥорон, Үөһээ Бүлүү киин балыыһатын үлэһиттэригэр бэлэхтээтилэр. Маасканы кулгаахха өр туттардахха, төбө ыалдьыан сөп. Онуоха бу туттарык ноҕоруусканы сымнатар аналлаах. Иккиһинэн, үгүс мааска кээмэйэ кыра буолар. Бу анал туттарык көмөтүнэн араас кээмэйдээх маасканы кэтиэххэ сөп.
-
0
-
0
-
0
-
0
-
0
-
0
