СӨ Бырабыыталыстыбатын бэрэссэдээтэлэ Андрей Тарасенко, Уус Алдан улууһугар оробуочай сырыытынан тииийэ сылдьан, эбийиэктэр тутууларын кытары билистэ.
Былаан быһыытынан, 75 миэстэлээх оҕо саадын быйыл алтынньы ыйыгар үлэҕэ киллэриэхтэрэ. Билигин дьиэ таһын бүрүйэллэр, ититиини киллэрэллэр, тиэргэнин тупсараллар. Оҕо саадыгар пандуһу уонна кэлээскэни көтөҕөр оборудованиены туруоруохтара. Премьер тутуу үлэтэ тэтимнээҕин уонна болдьоммут кэмигэр киирэр буолбутун бэлиэтээбит.
Итини таһынан Бороҕоҥҥо 2-с №-дээх Мүрү оскуолатын сиригэр 450 миэстэлээх саҥа оскуола тутулла турар. Үлэҕэ 2022 сыл ахсынньытыгар киириэхтээх. Үс мэндиэмэннээх оскуола лабораториялаах, мастарыскыайдаах, спорт саалалардаах, бибилэтиэкэлээх буолуоҕа.
-
0
-
0
-
0
-
0
-
0
-
0
