Кини ХИФУ иһинэн байыаннай үөрэххэ уһуйар киин аһылларын ситистэ – бу историческай суолталаах түгэн. Өрөспүүбүлүкэ туруорсуутун оборона миниистирэ Сергей Шойгу бэйэтинэн өйөөтө.
--Владимир Путин былырыын Федеральнай Мунньахха туһаайан этиитигэр, аармыйаҕа профессионаллары бэлэмниэххэ наадатын бэлиэтээбитэ. Ол тылын мүччү туппакка, Ил Дархан РФ Оборонаҕа министиэристибэтигэр сурук ыыппыта. Онно кини биһиги эрэгийиэммит геополитическай уратытын ыйан туран, устудьуоннары байыаннай үөрэххэ уһуйар усулуобуйаны университет иһинэн тэрийэр оруннааҕын быһаарбыта. Дьэ, онон 2022 сылтан ыла отделение хамандыырдарын уонна ыстаарсай ытааччылары үөрэтэн таһаарыахпыт. Бу кииҥҥэ анаан 2600 кв. миэтэрдээх комплексы булан турабыт. Иһин оҥоро сылдьаллар. Быйыл 108 устудьуону уһуйуохпут. Байыаннай үөрэҕи тэрийэргэ уопуттаахпыт. 2008 сыллаахха диэри, тохтуу-тохтуу да буоллар, анал кафедралар үлэлээбиттэрэ. Университет 10 тыһыынча саппаас офицерын бэлэмнээн таһаарбыта. Сыл аайы 4000 устудьуону үөрэххэ ылабыт, онтон 2 тыһыынчата уолаттар буолаллар. Олортон ыйыталаспыппытыгар, 1250 эр бэрдэ байыаннай үөрэҕи манна барар санаалаахтар, -- диэн дьокутааппытА.Н.Николаев кэпсиир.
\
- 0
- 0
- 0
- 0
- 0
- 0