Саха өрөспүүбүлүкэтигэр 78 тыһыынча дьиэ кэргэн бу көмөнү ыларга сайабылыанньа биэрбиттэрин туһунан РФ Пенсионнай пуондатын Саха сиринээҕи салаатын пресс-сулууспата иһитиннэрэр: “77869 дьиэ кэргэнтэн уопсайа 127 170 оҕоҕо 10 тыһ. солкуобайы ыларга сайабылыанньа киирдэ. Бу көмө миэрэтин төлүүргэ Пенсионнай пуондаҕа 2 млрд солкуобай көрүллүбүт".
РФ Үлэҕэ министиэристибэтэ барыллаан аахпытынан, дойду үрдүнэн бу төлөбүрү 22 мөл. оҕо ылыан сөп. Сайабылыанньаны ыам ыйын 12 күнүттэн ылаллар. 2020 сыл от ыйын 1 күнүгэр диэри үс сааһын туолбут уонна от ыйын 1 күнүгэр диэри 16 саастарын туола илик оҕолорго барыларыгар төлөнөр. Бу биир кэмнээх көмөнү төрөппүт алтынньыга диэри ылыан сөп.
- 0
- 0
- 0
- 0
- 0
- 0