Ааспыт сууккаҕа өрөспүүбүлүкэ үрдүнэн 85 киһи ыалдьыбыт – 71 киһи киин куоракка, Уус Алдаҥҥа – 4 киһи, Хаҥаласка – 3 киһи уонна Үөһээ Бүлүү, Горнай улуустарыгар иккилии киһи ыалдьыбыт.
“Ыарыы тарҕанар, пандемия туруоҕуттан ыалдьыбыт киһи ахсаана 3 тыһ. таҕыста. Билигин 24 киһи ыарахан туруктаахтар, ол дьонтон биэс киһитэ ИВЛ аппаратынан тыыналлар. Дьон ыарыыга хаптарара элбиир. Ол эрээри, кытаанах хааччахтыыр миэрэ ылыммыппыт түмүгэ кэлэр күннэргэ көстүөҕэ”, -- диэтэ Айсен Николаев.
Ол курдук, бэс ыйын 15 күнүнээҕи туругунан коронавируһунан ыалдьыт киһи ахсаана 3122 буолбут, 1834 киһи үтүөрбүт, 20 киһи суорума суолламмыт.
- 0
- 0
- 0
- 0
- 0
- 0