Эдьигээн олохтоохторо суруйалларынан, сорох дьиэлэргэ киин ититэр ситим батарыайалара арыый сылыйан эрэллэр. Ол да буоллар, дьиэлэргэ, эбийиэктэргэ сөрүүн.
ОДьКХ сулууспата биллэрэринэн, билигин Эдьигээҥҥэ салгын температурата -42 кыраадыс, кыбартаалынай хочуолунайга итиини биэрэр турбаҕа +65, төннөн кэлэр турбаҕа +41 кыраадыс, 6 хочуол үлэлии турар.
Санаттахха, Эдьигээн хочуолунайыгар саахалы туоратыы үлэтэ миэстэтигэр Саха Өрөспүүбүлүкэтин ОДьКХ уонна энэргиэтикэҕэ миниистирэ Вячеслав Емельянов быһаччы салайыытынан ыытыллар. Ол курдук, тохсунньу 5 күнүгэр сарсыарда эрдэ Ньурбаттан бөртөлүөт көтөн «СӨ ОДьКХ» судаарыстыбаннай унитарнай тэрилтэ 8 үлэһитин уонна сэби-сэбиргэли (300 киилэ) аҕалбыта, ону таһынан Дьокуускайтан хочуоллары өрөмүөннүүргэ туттуллар саппаас чаастары аҕалыахтаах АН-26 сөмөлүөт ити күн киэһэ 18 ч. тиийбитэ. Билиҥҥитэ саахалы туоратыыга 18 исписэлиис быһаччы үлэлэһэр.
ххх
Эдьигээн улууһун Бэстээх нэһилиэгин хочуолунайыгар баһаар тахсыытыгар тахсыбыт саахалы туоратыы салҕанар. Билигин олорор дьиэлэр электруот хочуолларга көһөрүлүннүлэр, оскуола - оҕо саад дьиэтигэр ититэр үлэлэр салҕаналлар. Үлэ, үөрэх саҕаланнаҕына оҕо саад оскуола өттүгэр үлэлиирэ быһаарылынна.
Тохсунньу 5 күнүгэр Дьокууускайга ыытыллыбыт ЫБММ уонна баһаарынай куттал суох буолуутун хааччыйыы өрөспүүбүлүкэтээҕи хамыыһыйатын мунньаҕар Ил Дархан Айсен Николаев Бэстээх нэһилиэгэр тутулла турар саҥа хочуолунай тутуутун салгыырга уонна төһө кыалларынан кылгас болдьоххо үлэҕэ киллэрэргэ соруйда. Ону тэҥэ, нэһилиэккэ бородууктанан хааччыйыыны хонтуруолга тутарга эттэ.
Хаартыска: Улусмедиа
-
1
-
0
-
0
-
0
-
0
-
0
