Киин куоракка 73 киһи ыалдьыбыт, Эдьигээҥҥэ – 5, Алдаҥҥа, Аммаҕа, Уус Алдаҥҥа – түөртүү киһи ыарыыга хаптарбыт, Бүлүүгэ, Томпоҕо, Чурапчыга, Нерюнгрига, Сунтаарга – үстүү киһи эбии ыалдьыбыт, Намҥа – 2, Өлүөхүмэҕэ, Тааттаҕа, Хаҥаласка – биирдии киһи коронавирус ыарыытыгар ылларбыттар. Ааспыт сууккаҕа икки киһи суорума суолламмыт. Лабораторияҕа 4999 анаалыһы бэрэбиэркэлээбиттэр.
Билиҥҥи туругунан оскуолаҕа үөрэнэр оҕолору харантыыҥҥа ыытар эбэтэр дьиэтээҥҥи эрэссиимҥэ көһөрөр туһунан боппуруос турбат. Өрөспүүбүлүкэ үөрэҕин уонна наукатын министиэристибэтэ иһитиннэрбитинэн, үөрэнээччилэргэ эпидимиология боруога, ол эбэтэр оҕолор ахсааннарыттан 10%-тан элбэх оҕо ыалдьыбатаҕынан, оскуолаларга үөрэх салгыы ыытыллар. Үөрэх тэрилтэлэригэр кэмиттэн-кэмигэр дезинфекциялааһын ыытыллар.
-
0
-
0
-
0
-
0
-
0
-
0
