Буруйданааччы ыыппыт иһитиннэриитинэн, коронавирус ыарыытын чопчулуур бэрэбиэркэ аналиһын ылыыга дьоҥҥо ыарыыны сыһырыахтарын сөп диэн сымыйа сонуну тарҕаппыт. Бу кэннэ сымыйа сурах WhatsApp социальнай ситиминэн элбэх дьоҥҥо тарҕаммыта билиннэ. Буруйданааччы дьахтар быһаарыытынан, иһитиннэриини YouTube видеохостинг ханаалыттан ылбыт уонна биир дойдулаахтарын кутталлаах дьаҥ туһунан сэрэтэр сыаллаах сымыйа сураҕы ыыталаабыт. Ол курдук, Томмот куорат олохтооҕо сымыйа сураҕы тарҕатыы туһунан РФ административнай быраабы кэһии кодексатын 9 ч. 13.15 ыст. эппиэтинэскэ тардылынна. Административнай дьыала матырыйаала сууд көрүүтүгэр ыытыллыаҕа.
Санатар буоллахха, РФ административнай быраабы кэһии кодексын 9 ч. 13.15 ыст. ыстараап кээмэйэ 30-100 тыһ солк., дуоһунастаах сирэйдэргэ 60-200 тыһ. солк., юридическай сирэйдэргэ 200-500 тыһ. солк. тэҥнэһэр. Маны таһынан, РФ административнай быраабы кэһии кодексатын 9-11 ч. ыстатыйаларынан 24 чаас иһигэр административнай дьыала тэриллиитин туһунан РФ борокуратуура уорганныгар биллэриллиэхтээх.
-
-
0
-
0
-
0
-
0
-
0
-
0
