- Бүгүҥҥү туругунан БКЭ ыытыы болдьоҕо от ыйын 8 күнүттэн бигэргэммитэ, - диэн Анзор Музаев бэлиэтиир. – Эпидемиолигическай балыһыанньа уустугурар түмүгэр, болдьох уларыйыытын туһунан кэлэр ыйга биллэриэхпит. Маай бырааһынньыктарын кэннэ киирбит сүбэлэри, ол иһигэр коронавирус утары суһал ыстаап дааннайдарын үөрэтэн сөптөөх быһаарыыны ылыныахпыт. Ол эрэн, иккиһин больдьох уларыйар түгэнигэр, БКЭ сорудахтара уларыйбаттар, оннунан хаалыахтара. Эксээмэннэр чэпчэтиллибэттэр. Тоҕо? Анзор Музаев этэринэн, оскуолаҕа бастакы үс чиэппэргэ – саҥа матырыйааллары баһылааһын буолар. Оттон бүтэһик чиэппэргэ, ордук 11 кылааска, - үөрэтиллибити бигэтитии уонна эксээмэннэргэ бэлэмнэнии ыытыллар. -Быйылгы БКЭ дойду үрдүнэн бигэргэммит болдьоҕунан уларыйыыта суох ыытыллыҕа. Эксээмэн тутар пууннарга бары санитарнай нуормалар тутуһуллуохтара, сөптөөх дезинфекция ыытыллыаҕа, - диэн РФ Үөрэҕин миниистирэ Сергей Кравцов бэлиэтиир.
Маны таһынан, педагогическай кэтээн көрүү федеральнай института БКЭ бэлэмнэнии методическай сүбэлэрин таһаарбыта. Докумуоҥҥа исписэлиистэр сиһилии араас сүбэлэрэ киирдилэр, ол курдук ханнык сорудахтарга ордук болҕомто ууруллуохтааҕын, хайдах уустук сорудахтары суоттуур уонна алҕастары таһаарбат туһунан ыйылынна. Маны таһынан, Педагогическай кэтээн көрүү федеральнай институтун саайтыгар БКЭ-2020 хас биирдии предметинэн икки көрүҥ сорудахтар тахсаллар. Бу холобурдарга сигэнэн үөрэҕи бүтэрээччилэр БКЭ бэлэмнэниэхтэрин сөп. БКЭ “А” көрүҥ сорудахтарын эппиэттэрэ муус устар 21 күнүгэр саайтка тахсыахтара.
-
0
-
0
-
0
-
0
-
0
-
0
