Роспотребнадзор сүбэлиир
Онно бэлиэтэнэринэн, кафеҕа 1-2 олорор миэстэлээх 5-тэн элбэҕэ суох остуол турар буолуохтаах. Маныаха остуоллар икки ардыларыгар 1 м кырата суох арыттаах буолара ирдэниллэр. «Маассабай тэрээһиннэр (банкеттар уо.д.а.) бобуллаллар», — диэн докумуоҥҥа чопчуланар. Аны биирдэ туттуллар эбэтэр дезинфекцияламмыт элбэхтэ туттуллар иһит туттуллуохтааҕын туһунан Роспотребнадзор сэрэтэр.
Тустаах региоҥҥа балаһыанньа тубустаҕына, 20 остуолтан элбэҕэ суох аһатар сирдээх кафелар уонна рестораннар аһыллыахтарын сөп. Оттон дьон биир сиргэ аһара мунньустуутун таһаарбат курдук, сөптөөх усулуобуйалар тэрилиннэхтэринэ, маассабай тэрээһиннэр да ыытыллыахтарын сөп диэн этиллэр.
Ыарыыга сыстыы саҥа түгэннэрэ бэлиэтэммэтэҕинэ, рестораннар бары аһыллыахтарын сөп, онуоха санитарнай быраабылалар, техническэй регламеннар уо.д.а. тутуһуллаллара булгуччулааҕын туһунан ити сүбэлэргэ санатыллар.
-
0
-
0
-
0
-
0
-
0
-
0
