Бирикээс 2023 сыл кулун тутар 1 күнүттэн күүhүгэр киирэр уонна 2026 сыл бэс ыйын 16 күнүгэр диэри дьайар.
Булт Быраабылаларыгар киирэр сүрүн уларыйыылар манныктар:
- эрэгийиэннэр баhылыктара субъект бултанар сирдэригэр булт болдьохторугар хааччахтааhыннары киллэрэр түбэлтэлэрэ чуолкайданнылар;
- Саха Ѳрѳспүүбүлүкэтигэр андаатараны бултааhын болдьоҕо балаҕан ыйын 10 күнүттэн кулун тутар 31 күнүгэр диэри бултааhын кѳңүллэннэ, о.э. булт болдьоҕо уhаан биэрдэ;
- сааскы булт кэмигэр атыыр кѳҕѳнү бултуурга саhар сиртэн 300 миэтэрэттэн итэҕэhэ суох ыраахха уонна хааhы уонна хардырҕас хааhы (казарка) бултуурга саhар сиртэн 500 миэтэрэттэн итэҕэhэ суох ыраахха атын бааhырбыт кынаттаах кѳтѳрдѳрү ылар кѳңүллэнэр буолла;
- саас атыыр көҕөнү бултуурга икки булчукка биир тыыннаах кус мончуук быһыытынан туһанар кыах бэрилиннэ.
Маныаха Саха сирэ хаhыат информациятын эптэххэ, СӨ Экологияҕа министиэристибэтэ быһаарарынан, 2023-2024 сс. булт сезонугар туйахтаах кыылларга бултааһын Булт быраабылаларын чэрчилэринэн ыытыллар. Холобур, балаҕан ыйын 15 күнүттэн тохсунньу 10 күнүгэр диэри тайахха, оттон туртаска уонна кыыл табаҕа алтынньы 1 күнүттэн тохсунньу 10 күнүгэр диэри уонна бүүчээҥҥэ сэтинньи 1 күнүттэн тохсунньу 31 күнүгэр диэри сааһыттан тутулуга суох бултааһын көҥүллэнэр.
Бу уларытыыга Ил Түмэн сир сыһыаннаһыытыгар, айылҕа ресурсаларыгар уонна экологияҕа кэмитиэтин бэрэссэдээтэлэ Сахамин Афанасьев: «Саха сиригэр булчуттар түмсүүлэрэ уонна булт хайысхатыгар салайар уорганнар бииргэ үлэлииллэрэ быдан көдьүүстээх буолла. Манна сүрүн оруолу СӨ Ил Дарханын иһинэн булт Сэбиэтэ ылар. Сэбиэккэ булт быраабылатыгар уопсастыбаннастан киирбит этиилэр, булт болдьоҕун уларытыы курдук сүрүн боппуруостар быһаарыллаллар, ол түмүгэр РФ Айылҕа ресурсаларыгар уонна экологияҕа министиэристибэтин кытта Булт быраабылаларыгар сөптөөх уларытыылары киллэрэргэ үлэ таһымнаахтык ыытыллар. Ону тэҥэ, Ил Түмэҥҥэ булка сыһыаннаах боппуруостары быһаарарга аналлаах мунньахтар, төгүрүк остуоллар ыытыллыбыттарын түмүгэр, тустаах быраабылаҕа итинник сөптөөх көннөрүүлэр киирдилэр«, — диэн санаатын үллэстибит.
-
2
-
0
-
0
-
0
-
0
-
1
