Ыйааҕы таһаараат, Владимир Путин ити дойдулар салайааччылара Денис Пушилины уонна Леонид Пасечнигы кытта бииргэ үлэлэһэр, хардарыта көмөлөһөр Сөбүлэҥи түһэристэ. Кини бу быһаарыытын дойдутун дьоно, Арассыыйа олохтоохторо, өйүүллэригэр эрэнэрин эттэ. Украина салалтатын сэриини күөртээһиҥҥэ, оттон АХШ уонна Европа дойдуларын норуоттар икки ардыларынааҕы Сөбүлэҥнэри кэһиигэ буруйдаата.
Бу Ыйаах тахсаатын кытта, дуоллар кууруһа тута 80.1 солкуобайга тэҥнэстэ. Евро 90.5 солкуобай буолла. Өссө да улааталлара сабаҕаланар.
Санатан эттэххэ, Владимир Путин Донецкайтан уонна Луганскайтан кэлбит дьоҥҥо 10 тыһыынча солкуобай көмө харчыны биэрэргэ эппитэ. Билигин Арассыыйаҕа кэлиэн баҕалаах киһи 1 мөлүйүөн буолуон сөбүн суруйаллар. Аҥаардас бу күннэргэ 45 000 тахса киһи кэллэ. Саха Сирэ 1500 киһини ылыан, үлэнэн хааччыйыан сөбүн эппитэ.
Омук сонуну киэҥник тарҕатар сириэстибэлэрэ суруйалларынан, Европаҕа Арассыыйа бааннарын, счеттарын "тоҥорон", сорох дойдулар Арассыыйа гааһыттан уонна ньиэбиттэн аккаастанан эрэллэр. Бу чахчы официальнайдык өссө бигэргэнэ илик. Биһиги дьоммут хардарыта кинилэргэ санкция биллэрэогэ сананаллар. “Оччоҕо аны 10 сылынан бэйэлэрэ кэлэн көрдөһөн эрэр буолуохтара”, -- дэһэллэр.
Салгыы бүгүн туох буоларын күүтэбит.
-
0
-
0
-
0
-
0
-
0
-
0
