– Дойдубут үрдүгэр тыҥааһыннаах, барыбытын долгутар кэмнэр кэллилэр. Биһиги, Арассыыйа гражданнара, биир сомоҕо күүс буолан бэйэ-бэйэбитин харыстаһыах тустаахпыт.
Мин 2011 сыллаахха аармыйаҕа сулууспалыы сылдьан, Ийэ дойдубун ханнык да быһылааҥҥа көмүскүүргэ андаҕар тылын биэрбитим. Бу хас биирдии ыччат бэйэтэ ыраҥалаан, толкуйдаан көрөн биэрэр андаҕара.
Оттон билигин дьэ дойдубутугар бэриниилээхпитин көрдөрөр кэммит кэллэ.
Бу кэмҥэ араас сымыйа, албын сурах тарҕанар. Маныаха тус бэйэм официальнай иһитиннэриилэри ааҕабын. Тас дойдулартан айманыы тарда сатыылларын өйдүүбүн. Туох даҕаны диэбит иһин, кырдьыгы сымыйа кыайбат. Онтон уоскуйуу хас биирдии дьиэ кэргэнтэн тутулуктаах. Дьиэ кэргэн иһигэр ил-эйэ баар буоллаҕына, уопсастыбаҕа эмиэ уоскулаҥ буолар. Онон ийэбин, чугас дьоммут уоскутабын, эһиэхэ эмиэ сүбэлиибин.
Донецкай уонна Луганскай норуодунай өрөспүүбүлүкэлэри билинэр туһунан докумуоҥҥа дойдубут Бэрэсидьиэнэ Владимир Путин илии баттаабыта. Аҕыс сыл устата тохтоло суох атаҕастанар өрөспүүбүлүкэлэр олохтоохторугар көмөлөһөр сыалтан, анал байыаннай операцияны оҥорорго эттэ. Бу быһаарыыны Судаарыстыбаннай Дуума дьокутааттара өйөөтүлэр, биһиги парламеммыт эмиэ өйүүр. Хас биирдии киһи бу орто дойдуга иллээх-эйэлээх, куттала суох, туруктаах олоххо олоруохтаах. Барыбытыгар эйэлээх олоҕу баҕарабын.
-
0
-
0
-
0
-
0
-
0
-
0
