Санатан эттэххэ, Арассыыйа Бэрэсидьиэнэ Владимир Путин олунньу 24 күнүгэр Донбасска анал байыаннай операция буоларын туһунан иһитиннэриини дойду олохтоохторугар тэлэбиидэнньэ нөҥүө иһитиннэрбитэ.
Антонина Григорьева санаатынан, Арассыыйа Украинаны бас билэр сыалы туруоруммат.
«Байыаннай операцияны ыытыы быһаарыныыта холбоһуктаах нациялар тэрилтэлэрин (ХНТ) Устаабын 51-с ыстатыйатын 7 чааһыгар олоҕуран ыытыллар, ол эбэтэр бэйэни көмүскэнии ханнык да балаһыанньаҕа баар буолуохтааҕын ыйар. Бу быраап Арассыыйаҕа (ХНТ) чилиэнэ буоларын быһыытынан эрэ буолбакка, кини союзниктарыгар, Арассыыйа тутулуга суоҕунан билиммит Донецкай уонна Луганскай норуодунай өрөспүүбүлүкэлэргэ эмиэ тарҕанар. Онон кинилэри бэйэтин хаххатыгар, көмүскэлигэр ылар толору бырааптаах. Арҕаалар Арассыыйа быраабын билиниэхтэрин баҕарбаттар, онтон Арассыыйа хаһан даҕаны санаатын истибэттэригэр, гражданнарын иккис суортаах дьон курдук көрөллөрүгэр сөбүлэһиэ суоҕа. Быһыыны-майгыны бэйэтин аатынан этэр кэм кэллэ: АХШ уонна кини союзниктара биһиги дойдубутун имири эһиэхтэрин баҕараллар. НАТО эйэлээх сайабылыанньалара сымыйа буолар. АХШ уонна НАТО илиилэрэ Сербия, Ирак, Сирия олохтоохторун хаана буолбута ыраатта. Кинилэри биһиги дойдубутугар хаан тоҕортон туох даҕаны тохтотуо суох этэ», — диэн бэйэтин комментарийыгар Антонина Григорьева этэр.
-
0
-
0
-
0
-
0
-
0
-
0
