- Украинаҕа буола турар быһыы-майгы буолуохтаах тиһэҕэр тиийдэ. Донецкай уонна Луганскай национальнай өрөспүүбүлүкэлэр олохтоохторо 2014 сылтан төбөлөрүн өндөппөккө, ыарахан балаһыанньаҕа олордулар. Биһиги бырааттыы норуоппут дьылҕаларын РФ Бырабыыталыстыбата, олохтоохтор даҕаны дьаархана истэ сырыттыбыт. Элбэх сэриигэ кыттыгаһа суох оҕолор, эйэлээх олохтоохтор күн сириттэн бардылар. Бу барыта "майдаан” кэнниттэн кэлбит былаас тэрийбит политикатын содула. Националистар, бандеровецтар кэлэн, аныгы үйэҕэ киһи төбөтүгэр баппат быһыыны оҥороллор. Ол эмиэ өйдөнөр. Былааннара – Европа Сойууһугар киириэхтэрин баҕараллар. Ол эрэн кинилэри онно чугаһаппаттар.
НАТО уонна АХШ сыаллара эмиэ өйдөнөр. Кинилэр биһиги баайбытыгар, киэҥ сирбитигэр-уоппутугар харахтарын хатаабыттара ыраатта. Саба түһээри, хас эмэ сыл устата биһиги кыраныыссабыт таһынан Европа дойдуларын араас муннуктарыгар ыраах көтөн тиийэр ракеталары туруортаатылар. Бу куттааһын буолбатах дуо? Маны тэҥэ дойдубут Бэрэсидьиэнэ Владимир Путин маны таба көрөн сэрэтэр үлэни эрдэттэн күүскэ ыыппыта, көмүскэнэр кыаҕы улаатыннарбыта.
Манна даҕатан эттэххэ, Россия Украина сирин-уотун былдьыыры былааннаабат, төттөрүтүн, эрдэттэн кыһалҕаны кэпсэтиинэн быһаарса сатаабыта. Ол эрэн АХШ, НАТО киирэр этиилэри ылымматахтара. Онон атаҕастабылы 8 сыл устата көрсүбүт Донецкай уонна Луганскай норуодунай өрөспүүбүлүкэлэри тутулуга суохтарын Россия билиннэ. Маныаха Судаарыстыбаннай Дуума 351 дьокутаата куоластаата.
-
0
-
0
-
0
-
0
-
0
-
0
