Ааспыт нэдиэлэҕэ Госдума уларытыылары киллэрии туһунан үс ааҕыыга сокуон ылбыта уонна быыбар туһунан сокуоҥҥа уларытыылары киллэрбитэ. Кылгастык этэр буоллахха, эпидемия кэмигэр куоластааһын тэрээһиннэрин ыытыы үлэлэрэ чэпчэтиллибитэ. Холобур, Арассыыйаҕа дистанционнай электроннай куоластааһын уонна почта нөҥүө куоластааһын ньымата баар буолуохтара. Маны таһынан сокуону оҥорооччулар болдьох иннинэ уонна дьиэҕэ олорон куоластааһын ньымалары киллэрэн быыбар ыытар кыаҕын кэҥэппиттэрэ. Ол курдук техническэй өттүнэн болдьох иннинэ куоластааһын бэрээдэгинэн атын ньымаларынан быыбары ыытыы кыаҕа улаатта.
Экспердэр бэлиэтииллэринэн, ааспыт нэдиэлэҕэ саҥа бигэргэтиллибит уларыйыылардаах быыбар туһунан сокуоннар норуот референдумун регионнааҕы быыбардарын кытары биир күн ыытыллыахтарын сөбүн туһунан ыйбыттара. Ол эрэн Киин быыбардыыр хамыыһыйа бэрэссэдээтэлэ Элла Памфилова маннык холобуру утарар – бу тэрээһиннэр араас уратылардаахтар диэн чуолкайдыыр.
Санатар буоллахха, куоластааһын тэрээһинэ муус устар 22 күнүгэр ыытыллыахтааҕа. Коронавирус дьаҥа тарҕаныытын балаһыанньата уустугунан дойду үрдүнэн куоластааһын тэрээһинин ыытыы болдьоҕо көһөрүллүбүтэ. Бүтэһиктээх быһаарыы бигэргэтиллэ илик. «Куоластааһын тэрээһинин ыытыы саҥа болдьоҕун туһунан этэр буоллахха РФ Президенэ бигэргэтиэҕэ. Оттон РФ быыбардыыр систиэмэтэ туруга бэлэмнээх", - диэн Николай Булаев эрэннэрдэ. Ол курдук Владимир Путин дойду сүрүн докумуонугар хас да уларытыылары киллэрэр туһунан көҕүлээһинин бу сыл тохсунньу ыйыгар биллэрбитэ. Хас да ый үлэ түмүгүнэн Госдума, регионнааҕы парламеннар, Федерация Сэбиэтэ сокуон барылын өйөөбүттэрэ. Үлэ иккис түһүмэҕинэн дойду бар дьонун куоластааһына ыытыллыаҕа. Интернет иһитиннэрэр хампааньалара билгэлииллэринэн, куоластааһын тэрээһинэ бэс ыйын 24 күнүгэр эбэтэр от ыйын 8 күнүгэр болдьохтоон ыытылларын сабаҕалыыллар.
-
0
-
0
-
0
-
0
-
0
-
0
