Издательский дом Редакция Подписка
Погода в Якутске: . -11 oC

Уһук Илин уонна Арктика сайдыытын миниистирэ Алексей Чекунков Бырабыыталыстыба Бэрэссэдээтэлэ Михаил Мишустиҥҥа АПК эйгэтигэр үлэлиир тэрилтэлэргэ өйөбүл ырычааҕын туһунан иһитиннэрдэ.

Уһук Илин уонна Арктика сайдыытын миниистирэ Алексей Чекунков Бырабыыталыстыба Бэрэссэдээтэлэ Михаил Мишустиҥҥа АПК эйгэтигэр үлэлиир тэрилтэлэргэ өйөбүл ырычааҕын туһунан иһитиннэрдэ.

Дьокуускайга 2016 сыллаахха тэриллибит «Саюри» тэпилииссэ комплексын холобурдаата. Ирбэт тоҥноох дойдуга сылы эргиччи үлэлиир маннык тэпилииссэ өссө Магадаан уобалаһыгар «Талая» АПК ХЭТ баар эбит. Михаил Мишустин дьаһалынан, бу эбийиэк тутуутун ороскуотун сорох чааһа бүддьүөттэн толуйуллубут. Ону санатан туран, Алексей Чекунков итинник ырычааҕы тыа хаһаайыстыбатын атын хайысхаларыгар (көтөрү иитии салаатыгар, комбикуорум собуотугар, сүөһүнү иитэр комплекска) эмиэ туһаныахха сөбүн эттэ.

Онуоха Михаил Мишустин миниистирдэр кэбиниэттэрэ кэскиллээх хайысхалары быһааран, ороскуоту толуйуу ырычааҕар этии оҥорон киллэрэригэр сорудахтаата.

Санатан эттэххэ, «Саюри» тэпилииссэ комплексын Айсен Николаев киин куорат баһылыгынан үлэлиир сылларыгар япон партнердарын кытыннаран, олоххо киллэрбитэ. 2016 сыллаахха 0,1 гектардаах тэпилииссэттэн саҕаламмыт комплекс билигин 3,3 гектар сири хабар, 16 тэпилииссэлээх, оҕуруот аһын арааһын үүннэрэр. Бырайыагы Уһук Илин уонна Арктика сайдыытын министиэристибэтэ, Уһук Илини уонна Арктиканы сайыннарыы институттара өйөөбүттэрэ. Инвестиция уопсай кээмэйэ 2,076 млрд. солк. буолбута. Өрөспүүбүлүкэ Бырабыыталыстыбата комплекс иккис, үһүс уочараттарын тутууга субсидия көрбүтэ диэн Ил Дархан уонна Бырабыыталыстыба пресс-киинэ иһитиннэрэр.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением