Москва к. Гостинай Двор саалатыгар барыта 1500 киhи кэлэн, Бэрэсидьиэн этиитин истиэҕэ. Быйылгы сыллааҕы тэрээhин уратытынан манна дьокутааттартан уонна сенатордартан ураты анал байыаннай эпэрээссийэ кыттыылаахтара уо.д.а. баар буолуохтара.
Бэрэсидьиэн Туhаайан этиитигэр түмүктэр уонна стратегическай хайысхалар, экэниэмикэ уонна социальнай эйгэ боппуруостара киириэхтэрэ.
Ону тэңэ билигин олохпут бүтүннүүтэ Украинаҕа буола турар анал байыаннай эпэрээссийэ тула эргийэр буолан, бу дьайыыны кытта сибээстээх тиэмэлэргэ Владимир Путин улахан болҕомтотун ууруоҕа диэн сабаҕаланар.
«Арассыыйа олохтоохторо Туhаайан этиигэ анал байыаннай эпэрээссийэни, аан дойдуга баар ситуацияны сыаналааhыны уонна ону тѳhѳ ситиhиилээхтик кыайа тутарбытын туhунан Бэрэсидьиэн санаатын истиэхтэрин баҕараллар», — диэн Бэрэсидьиэн пресс-сэкирэтээрэ Дмитрий Песков этэр.
РФ Бэрэсидьиэнин Туhаайан этиитин Бастакы ханаал, «Россия 1», НТВ уо.д.а. маассабай информация сириэстибэлэрэ тиэрдиэхтэрэ.
-
0
-
0
-
0
-
0
-
0
-
0
