Бу күнтэн ыла хандьыдааттар аҕытаассыйалыыр матырыйаалларын оҥорон, бэрээдэгинэн уопсастыбаҕа аҕытаассыйалыыр тэрээһиннэрин ыытыахтарын сөп. Матырыйааллар эбэтэр аҕытаассыйа куоппуйалара киэҥ эйгэҕэ тарҕаныахтарын иннинэ, Саха Сирин киин быыбардыыр хамыыһыйатыгар тиэрдиллиэхтээх. Оттон көрдөрөр-иһитиннэрэр сириэстибэлэргэ аҕытаассыйалыыр кэм атырдьах ыйын 12 күнүттэн саҕаланыаҕа уонна балаҕан ыйын 8 күнүгэр түүн 00.00 чааска түмүктэниэҕэ.
СӨ Киин быыбардыыр хамыыһыйа дааннайынан, бэлитичэскэй баартыйалартан туруоруммут өрөспүүбүлүкэтээҕи 411 хандьыдааттаах 6 испииһэги бигэргэттэ. Маны таһынан, 172 хандьыдаат 9 быыбардыыр холбоһуктартан уонна 9 хандьыдаат биир мандааттаах быыбардыыр уокуруктарынан бэйэтин туруорунуу бэрээдэгинэн туһааннаах докумуоннары быыбардыыр хамыыһыйаларга туттардылар.
Саха Сирин норуот дьокутааттарын быыбарыгар барыта 592 хандьыдаат туруорунна.
-
1
-
0
-
0
-
0
-
0
-
0
