«Саха Ѳрѳспүүбүлүкэтин Баhылыга Айсен Николаев Саха Сирин Бырабыыталыстыбатын иннигэр үтүѳ социальнай турук таhымыгар тахсар, ѳрѳспүүбүлүкэ олохтоохторун дохуоттара үүнэ турарын ситиhэр, дьадаҥы буолуу туругар киирбит гражданнары ѳйүүр миэрэлэри тупсарар соруктары туруорда», — диэтэ вице-премьер Георгий Степанов.
Бу боппуруостарга анаммыт бырабыыталыстыба мунньаҕар туhааннаах бырайыактар кѳрүлүннүлэр. Кинилэр олоххо кииириилэрин социальнай блок министиэристибэлэрэ уонна биэдэмистибэлэрэ хааччыйалларыгар этилиннэ.
Бырайыактар нэhилиэнньэ дьадаҥы буолуутун таhымын намтатар, дьадаҥы буолуу туругар киллэрэр кутталлары кыччатар сыаллаахтар. Ол курдук, Саха Сирин Баhылыгын сорудаҕар сѳп түбэhиннэрэн, кэлэр биэс сылга дьадаҥы буолуу таhымын 2022 сыл таhымыттан икки тѳгүл намтатыллыахтаах уонна 2029 сылга 70 тыh. итэҕэhэ суох киhини дьадаҥы буолуу туругуттан таhаарыллыахтаах.
2029 сылга үлэлээх дьон ахсаана 530 тыh. диэри тиэрдиллиэхтээх.
Вице-премьер этэринэн, ѳрѳспүүбүлүкэҕэ гражданнары үлэнэн, итиэннэ бырамыысыланнай оройуоннар улахан хабааннаах бырайыактарыгар, эмиэ оннук тыа сиригэр уонна Аартыка сиригэр-уотугар сѳптѳѳх хамнаhынан үлэ дьонун хааччыйарга бары усулуобуйалар тэриллиэхтээхтэр.
СИА хаартыската.
-
0
-
0
-
0
-
0
-
0
-
0
