Бу оҕолор сайыҥҥы уһун өрөбүллэригэр ыстаадаҕа төрөппүттэригэр көмөлөһөллөрүн, хамнас аахсалларын таһынан, табаһыт уустук идэтигэр уһуйуллалларын, төрүт дьарыктарын салгыы сайыннарар дьон буола үүнэллэрин туһугар тэриллэр дьаһал. Ааспыт 2025 сылга 1,7 мөлүйүөн солкуобай субсидия көрүллэн, 11 хаһаайыстыбаҕа 61 оҕо хамнаһынан хааччыллыбыт. Ол иһигэр, П.А. Кейметинов аатынан «Сэбээн» муниципальнай-унитарнай тэрилтэҕэ (Кэбээйи улууһа) – 17, «Хатыыстыыр» общинаҕа (Алдан улууһа) – 14, «Таба-Яна» кэпэрэтиипкэ (Усуйаана улууһа) – 5, «Томпо» факторияҕа (Томпо улууһа) уонна «Таба» общинаҕа (Кэбээйи улууһа) – иккилии оҕо үлэлээбиттэр. Кинилэр ыстаадаҕа чуумсуктаабыттар итиэннэ табаһыттарга көмөлөспүттэр.
Онуоха субсидия маннык бэриллибит:
14-ттэн 16-тыгар диэри саастаах оҕолорго: 21 тыһыынчаттан 29,6 тыһыынча солкуобайга диэри; 16-тыттан 18-ыгар диэри саастаахтарга: 31,4 тыһыынчаттан 43 тыһыынча солкуобайга диэри.
Быйыл 1 мөлүйүөн солкуобай харчы көрүллүбүт, ити 28 оҕону үлэнэн хааччыйарга тиийэр. Субсидия маннык торумнанар: 14-ттэн 16-тыгар диэри саастаах оҕолорго: 26 – 30,9 тыһ. солк.; 16-тыттан 18-ыгар диэри саастаахтарга: 37,9 – 42,6 тыһ. солк. Бу туһунан Нэһилиэнньэ дьарыктаах буолуутун судаарыстыбаннай кэмитиэтин пресс-киинэ иһитиннэрэр.
Хаартыска: эрэдээксийэ архыыбыттан.
-
0
-
0
-
0
-
0
-
0
-
1
