Кини этэринэн, дойду үрдүнэн нолуок уопсай тиһигэр киллэрии олоххо киирбиитинэн, ювелирнай дьоҕус урбааҥҥа нолуогу таһынан административнай ноҕурууска улаатар.
«Ити тэрилтэлэр инники кыһалҕаларын туоратыыга анаан дохуоттарын кээмэйэ 70%-тан итэҕэһэ суох буоллаҕына, РФ Нолуокка Кодексатын 145-с ыст. көрүллүбүт НДС-тан босхолуохха наада», - диэн Алексей Еремеев бэлиэтээтэ. Ол курдук, спикер тэрилтэ үс инники сылга киллэриммит дохуота 15 мөл. солк. куоһарбатаҕына, нолуоктан босхолуурга этии киллэрдэ. Маны таһынан спикер тырааныспар нолуогун боппуруостарын таарыйда. Билигин тыраныыспардары регистрациялааһын ханнык баҕарар эрэгийиэннэр филиалларынан оҥоһуллар. Ол курдук, тырааныспар нолуога сокуон хараҕынан атын эрэгийиэн бүддьүөтүгэр киириэн сөп. Итинэн сибээстээн, суоллары өрөмүөннээһиҥҥэ уонна көрүүгэ-истиигэ туһуланар эрэгийиэннээҕи суол пуондата сөптөөх үбү-харчыны толору ылбата бэлиэтэннэ.
- 0
- 0
- 0
- 0
- 0
- 0