Сийиэс бастакы күнүгэр муниципальнай тэриллиилэр баһылыктарын кытта хонтуруоллуур-суоттуур уорганнар үлэлэрин тула дискуссионнай былаһаакка үлэлээтэ. Манна уопсайа 53 дэлэгэт кыттыыны ылла. Элбэх дакылаат оҥоһулунна, иһитиннэрии көрүлүннэ.
Мунньах түмүгүнэн Ил Түмэн бэрэссэдээтэлэ Алексей Еремеев бэлиэтээбитинэн, муниципалитеттар баһылыктара, бэрэстэбиитэллээх уорган дьокутааттара Ил Түмэҥҥэ ыытыллыбыт дискуссионнай былаһааккаҕа саҥа 33-с федеральнай уонна былырыын өрөспүүбүлүкэбитигэр ылыллыбыт олохтоох салайыныы сокуоннарын тула кэпсэттилэр:
-- Саҥа сокуон хайдах үлэҕэ киирэн иһэрин, миэстэтигэр хамсааһыннары ырыттыбыт. Маны сэргэ 2028 сыл тохсунньу 1 күнүгэр диэри өрөспүүбүлүкэҕэ баар боломуочуйалартан олохтоох салайыныыга бэриллиэн сөптөөхтөрүн ылыныахтаахпыт. Ол тула эмиэ кэпсэтиилэр бардылар. Дэлэгээттэр элбэх дакылааты истэн, санааларын эттилэр, ыйытыктарыгар хоруйдары ыллылар. Мин санаабар, сөптөөх кэпсэтии барда, миэстигэр үлэ-хамнас хардыытын өйдөөһүн баар. Муниципальнай сулууспалаахтар биэнсийэлэрин, хамнастарын үрдэтии туһунан, анал байыаннай дьайыы кэмигэр үп уорганын боломуочуйаларын киинниэххэ сөп диэн этиилэр киирдилэр, - диэн иһитиннэрэ.
Хаартыска: Василий Кононов, "Ил Түмэн".
-
0
-
0
-
0
-
0
-
0
-
0
