Саха сирин парламенын спикерэ Татарстан Судаарыстыбаннай Сэбиэтин анал сиэксйиэтин чэрчитинэн “Парламеннар икки ардыларынааҕы бииргэ үлэлэһии бэрэстэбиитэллээх былаас сайдыытын чахчытын быһыытынан” тиэмэннэн дакылааттыаҕа. Алексей Еремеев Ил Түмэн Федерация Сэбиэтин уонна РФ субъектарын сокуону оҥорор (бэрэстэбиитэллээх) уорганнарын кытары бииргэ үлэлэһии уопутуттан үллэстиэҕэ.
Бу секция үлэтигэр федеральнай уонна эрэгийиэннээҕи судаарыстыбаннай былаас уорганнарын, тас дойду уонна билим холбоһуктарын бэрэстэбиитэллэрэ кыттыыны ылаллара былааннанар.
Татарстан Судаарыстыбаннай Сэбиэтэ биһиги бэрэссэдээтэлбитин спикер быһыытынан Ил Түмэн парламеннар икки ардыларыгар көдьүүстээхтик сайынннарарын уонна РФ эрэгийиэннэригэр сокуону оҥорууга үчүгэй быраактыкалааҕын өйдөөн ыҥырбыт.
Секцияҕа приоритетнай тиэмэ быһыытынан парламеннар икки ардыларыгар хардарыта сыһыаҥҥа тоҕоостоох кыһалҕалары; РФ субъектарын парламеннарын алтыһыыларыгар инники кэскили уонна уратылары; федеративнай судаарыстыбаҕа сокуону оҥорор бырассыас; парламеннар икки ардыларынааҕы диалог федеральнай уонна эрэгийиэннээҕи сокуону оҥорууну тупсарыы чахчытын дьүүллэһиэхтэрэ.
Казаннааҕы норуоттар икки ардыларынааҕы юридическай пуорум 2023 сылтан ыла Татарстан киин куоратыгар ыытыллар. Былырыын тас дойдулартан уонна Арассыыйа субъектарыттан 1200-тэн тахса киһи кыттыбыта. Пуорум кэмигэр 60 дискуссионнай былаһааккаларынан 300-тэн тахса спикер кыттыбыта – Арассыыйа уонна тас дойду юридическай холбоһуктарын бэрэстэбиитэллэрэ.
-
1
-
0
-
0
-
0
-
0
-
0
