“Саха Өрөспүүбүлүкэтин Төрүт сокуонугар уларытыылары уонна эбиилэри киллэрии курдук суолталаах боппуруостары көрдүбүт. Дьокутааттар Ил Дархан көҕүлээбит уларытыыларын ылыннылар. Дьон манна долгуйар төрүөтэ суох – бу ылыммыт уларытыыларбыт өрөспүүбүлүкэ сайдыытыгар инникитин үчүгэйинэн эрэ дьайыаҕа”, -- диэн спикер Алексей Еремеев суруналыыстарга кэпсээтэ.
Маны таһынан, бастакы ааҕыыга “2026 сылга уонна былааннаммыт 2027 уонна 2028 сылларга Саха Өрөспүүбүлүкэтин судаарыстыбаннай бүддьүөтүн туһунан” сокуон барыла ылылынна.
“Сокуон барыла сөбүгэр уустук, ол да буоллар судаарыстыба эбэһээтилистибэлэригэр – хамнаска буоллун, социальнай төлөбүрдэргэ уо.д.а. тирэхтээх. Иккис ааҕыыга элбэх этиилэри кэтэһэбит, тоҕо диэтэххэ биһиги дохуот хас да источнигын күүтэбит. Норуот дьокутааттара уонна бырабыыталыстыба кэккэ категориялары – өрөспүүбүлүкэ Аартыка зонатын уонна тыа хаһаайыстыбаны учуоттуохтаах диэн этиилэрин толоруохпут”, – диэтэ Алексей Ильич.
Маны таһынан, Ил Түмэн Судаарыстыбаннай Дуумаҕа федеральнай көҕүлээһинин тоһоҕолоон эттэ: “2017 сыл тохсунньу 1 күнүгэр диэри хаарбаҕынан билиниллибит дьиэлэртэн көһөрүүгэ 9 тыһ. кэриҥэ дьиэ хапсыбакка хаалла. Ол иһин Госдумаҕа саҥа нацбырайыак иитинэн, федеральнай бүддьүөтү туһанан көһөртүүргэ сокуон барылын оҥорон киллэриэхпит. Көһөрүллүөхтээх ыалларга социальнай сиэр өрө күөрэйиэхтээх”.
Хаартыска: Ил Түмэн пресс-сулууспата
-
0
-
0
-
0
-
0
-
0
-
0
