«Ленинград былакаадаттан босхолонуута 80 сыла - бу даата күн сириттэн суох буолбуттар ааттарын үйэтитэргэ эбии кыаҕы үөскэтэр. Билигин Аҕа дойду Улуу сэриитин ыар күннэрин туораабыттарга хайдах көмө оҥорорбутун толкуйдуубут. 872 күннээх Ленинград былакаадата аан дойду устуоруйатыгар хорсун быһыы уонна дьаныардаах буолуу бэлиэтэ буолар», - диэн баартыйа бэрэссэдээтэлэ Сергей Миронов эттэ.
Көҕүлээһин быһыытынан, 1941 сыл балаҕан ыйын 8 күнүттэн 1944 сыл тохсунньу 27 күнүттэн диэри Ленинград куоракка уонна Ленинград уобалаһыгар, болдьоҕун боруостаабакка, олорон ааспыт дьонугар-сэргэтигэр Аҕа дойду Улуу сэриитин бэтэрээнэ ыстаатыһы иҥэрэр.
«Ленинград былакаадатын бэтэрээннэрин ытык саастарын учуоттаан, дойдубут иннигэр ураты устуоруйаҕа киирбит өҥөлөрүн иһин, сокуон барыла федеральнай таһымҥа көмүскэниэхтээх», - диэн сокуон барылын хос быһаарыытыгар этиллэр. Маны таһынан сокуон барылын ааптардара, федеральнай бүддьүөттэн сылга 50 тыһ. солк. биир кэмнээх төлөбүрү олохтуурга этии киллэрдилэр. Ону тэҥэ, көрүллэр үп-харчы инфляция таһымыттан түспэккэ индексацияланыахтаах. Дьокутааттар быһааралларынан, төлөбүр ороскуотугар сыл ахсын 4,5 млрд солк. көрүллүөхтээх.
- 0
- 0
- 0
- 0
- 0
- 0