Ол, бастатан туран, Арассыыйа Федерациятын Бырабыыталыстыбата 2022 сыл олунньу 17 күнүгэр таһаарбыт «Тутууну олорор дьиэнэн, олорор дьиэни олорорго сөбө суоҕунан, элбэх кыбартыыралаах дьиэни хаарбах туруктааҕынан уонна көтүрэргэ биитэр сөргүтэргэ сөптөөҕүнэн, саад дьиэтин олорор дьиэнэн уонна олорор дьиэни саад дьиэтинэн билинии Балаһыанньатын 61-с пуунугар уларытыылары киллэрэр туһунан» 187 №-дээх уурааҕа буолар. Бу докумуон чэрчитинэн, халаан уута ылар сирин учаастагар тутуллубут саад дьиэтэ олорор дьиэ быһыытынан билиниллиэ суоҕа.
Иккис сокуон – Арассыыйа Федерациятын Бырабыыталыстыбата 2022 сыл олунньу 17 күнүгэр таһаарбыт «Арассыыйа Федерациятын Бырабыыталыстыбатын 2020 с. олунньу 12 күнүгэр таһаарбыт 137 №-дээх уурааҕар уларытыылары киллэрэ туһунан» 189 №-дээх уурааҕа. Бу докумуон чэрчитинэн, Уһук Илиҥҥэ үлэлиир тыа хаһаайыстыбатын табаарын оҥорооччуларга өйөбүл эбии көрүҥэ оҥоһулунна – кинилэр астыыр-таҥастыыр үлэни тэрийиигэ уонна саҥа тэрилинэн сэбилэниигэ көрсөр хоромньуларын сорох чааһа толуйуллар буолла. Бу чуолаан арыылаах үүнээйи култууратыгар, балыкка, рактыҥылар уонна моллюскалар көрүҥнэригэр, итиэннэ бороһуок үүт астары оҥорууга үлэлиир тэрилтэлэргэ сыһыаннаах.
Үһүс сокуон – Арассыыйа Федерациятын Бырабыыталыстыбата 2022 сыл олунньу 18 күнүгэр таһаарбыт «Арассыыйа Федерациятыттан харатыыннанар бородууксуйаны таһаарыыга таможня уорганнарын хонтуруолун Быраабылаларыгар уларытыылары киллэрэр туһунан» 214 №-дээх уурааҕа. Бу сокуон чэрчитинэн, Арассыыйа судаарыстыбаннай кыраныыссатын нөҥүө аһардар пууннарга харантыыннанар бородууксуйалар докумуоннарын бэрэбиэркэлээһин бэрээдэгэ кыратык уларытылынна. Таможня уорганнара бэрэбиэркэ кэмигэр биэдэмистибэлэр икки ардыларыгар информационнай бииргэ үлэлээһиҥҥэ туһаныллар «Биир түннүк» ситиминэн бэриллибит Россельхознадзор федеральнай судаарыстыбаннай информационнай систиэмэтин фитосанитарнай сертификатын сибидиэнньэлэрин туһаныахтарын сөп. Бу туһунан «Парламент хаһыата» суруйар.
-
0
-
0
-
0
-
0
-
0
-
1
