2023 сылга үлэ тѳлѳбүрүн алын кээмэйэ хайдах буолуоҕай?
Издательский дом Редакция Подписка
Погода в Якутске: . -41 oC

Судаарыстыбаннай Дума үлэ тѳлѳбүрүн алын кээмэйин (МРОТ) улаатыннарар сокуону ылынна диэн Дума сайтыгар иhитиннэриллэр.

Судаарыстыбаннай Дума үлэ тѳлѳбүрүн алын кээмэйин (МРОТ) улаатыннарар сокуону ылынна диэн Дума сайтыгар иhитиннэриллэр.

2022 сылы кытта тэңнээтэххэ, кэлэр сыл тохсунньу 1 күнүттэн МРОТ 6,3 % үрдүѳхтээх.

Судаарыстыбаннай Дума депутаттара сокуон бырайыагын үhүс ааҕыыга ылыннылар, онон 2023 сыл тохсунньу 1 күнүттэн үлэ тѳлѳбүрүн алын кээмэйин ыйга 16 242 солкуобай сууманан олохтуурга этиллэр.

Бу күңңэ МРОТ 15 279 солкуобайга тэңнэhэр. Онон, 6,3 % үрдээhин кѳрүллүбүт.

Судаарыстыбаннай Дума Бэрэссэдээтэлэ Вячеслав Володин сокуон бырайыагын дьүүллэhии кэмигэр гражданнар интэриэстэригэр быhаарыы ылыллыбытын бэлиэтээтэ.

«Биhиги ханнык баҕарар кыахтар баалларыгар хамнаhы үрдэтэргэ, социальнай боппуруостары быhаарарга, дьон олоҕун уйгутун үрдэтэргэ салгыы туох кыаллары барытын оңоруохтаахпытын ѳйдүѳх тустаахпыт», - диэн эттэ Вячеслав Володин.

Ол курдук, быhа холоон 3,5 мѳл. бүддьүѳт эйгэтин үлэhиттэрин хамнастара улаатара күүтүллэр.

Ону таhынан, сокуонунан 2023 уонна 2024 сылларга үлэ тѳлѳбүрүн алын кээмэйин ааҕыы бэрээдэгин уларытарга этиллэр. МРОТ түргэтэтиллибит бэрээдэгинэн үрдүѳҕэ: кини улаатыыта бүтүн РФ үрдүнэн үлэлиир дьоҕурдаах нэhилиэнньэ айах ииттэр минимумун үүнүүтүн тиэмпэлэриттэн тутулуктаах буолуоҕа уонна кинилэртэн бырыhыан үс пуунунан үрдүк буолуоҕа.

Итиэннэ МРОТ ааҕыы кэмигэр кѳннѳрүүлэргэ сѳп түбэhиннэрэн, хамнас медианнай кэриңэ курдук кѳрдѳрүү туhаныллыа суоҕа.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением

Другие новости

Культура

Я рисую жизнь

В Национальном художественном музее РС (Я) состоялось открытие выставки «Я рисую жизнь» в…
04.02.23 13:40