Издательский дом Редакция Подписка
Погода в Якутске: . -11 oC

Госдума дьокутаата Федот Тумусов бэйэтин телеграм-ханаалыгар «Уhук Илин амнистията» идиэйэ туhунан «Ведомости» таhаарыыга туох диэн үллэстибитин кэпсээтэ.

Госдума дьокутаата Федот Тумусов бэйэтин телеграм-ханаалыгар «Уhук Илин амнистията» идиэйэ туhунан «Ведомости» таhаарыыга туох диэн үллэстибитин кэпсээтэ.

Биллэрин курдук, 2022 сыл балаҕан ыйын 21 күнүттэн быстах хомуур биллэриллибитигэр биhиги сорох биир дойдулаахтарбыт — сулууспалыыр кыахтаах, үлэлиир дьоҕурдаах, араас идэлээх эр дьон кыраныысса таhыгар барбыттара, тэскиллээбиттэрэ да диэххэ сѳп. Ким Казахстаҥҥа, ким Грузияҕа уо.д.а. дойдуларга. 

Федот Семенович: «Кыраныысса таhыгар уонунан дуу, сүүhүнэн дуу тыhыынчанан барбыттар ортолоругар аныгы экэниэмикэҕэ олус наадалаах идэлээх (программистар, атын IT-исписэлиистэр, инженердэр уо.д.а.), креативнай ѳйдѳѳх-санаалаах, айар-тутар кыахтаах араас идэлээх эдэр дьон да бааллар. Онон дойду экэниэмикэтигэр уонна демографиятыгар, технологическай суверенитетыгар улахан охсуу оңоhулунна.

Арассыыйа уопсастыбатын ортотугар бу гражданнарбыт тустарынан сытыы дискуссия барар. Кинилэргэ тѳннѳллѳрүн кѳңүллүүбүт дуо? Накаастыыбыт дуо? Накаастыыр буоллахха, хайдах накаастыыбыт? Оттон мин маннык боппуруостары быhаарарга күрүѳйэхтэри накаастыырга дьулуспакка, бастатан туран, дойду уонна норуот туhатын саныахпытын наада дии саныыбын. Байыаннай иэстэн куотуммут дьоңңо, кинилэр хайа эрэ бириэмэ (3 сыл диэххэ) Уhук Илин Федеральнай уокурукка үлэлээтэхтэринэ, амнистияны биллэриэххэ», - диэн этэр.

Кини санаатынан, «Уhук Илин амнистията» олоххо киирдэҕинэ, тута хас да кыhалҕа быhаарыллар кыахтаах. Бэйэбит дьоммут аан дойдунан ыhыллан хаалбакка, туора сиргэ социальнай статустарыгар, профессиональнай үүнүүлэригэр уонна дьиэ кэргэттэрин олохторугар иирбэ-таарба балаhыанньаҕа киирбэккэ, дойдуларыгар тѳннѳн кэлэн, каадырга, үлэhит илиигэ наадыйар Уhук Илин эрэгийиэн сайдыытыгар улахан кылааттарын киллэрэр кыахтаахтар.

«Маннык амнистия биллэриллэр түбэлтэтигэр Уhук Илин Федеральнай уокурук территориятыгар быстах хомууру кѳтүрүѳххэ сѳп. Бу олохтоох резервистэр уонна амнистияламмыт кэлии дьон балаhыанньаларын тэңниэҕэ, дойду биир саамай бѳдѳң уонна аҕыйах нэhилиэнньэлээх эрэгийиэнин демографияҕа уонна каадырга потенциалын харыстыырга кѳмѳлѳhүѳҕэ. Биллэн турар, маннык дьаhаныы Арассыыйаны утары үлэлиир эбэтэр пропагандалыыр дьоңңо сыhыана суох. Итиэннэ маны барытын сокуоңңа олоҕуран оңоhуллуохтаах уонна бастаан итинник сокуону ылыныллыахтаах», - диэн дьокутаат түмүктүүр.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением