Урбаанньыттар бырааптарын кѳмүскээhиҥҥэ федеральнай уонна эрэгийиэннээҕи омбудсменнар тэрилтэлэр уонна чааhынай урбаанньыттар эрэ буолбакка, бэйэ дьарыктаахтар үҥсүүлэрин эмиэ кѳрѳр буолуохтара. Боломуочуйалаахтар быhаарыылары биэриэхтэрэ уонна бэйэ дьарыктаахтар бырааптарын кѳмүскүүргэ компетентнай органнары кытта үлэлиэхтэрэ.
Маннык сокуон барылын Госдума туризмҥа уонна туристическай инфраструктураны сайдыыга Кэмитиэтин бэрэссэдээтэлин солбуйааччыта Наталья Костенко муус устар 24 күнүгэр киллэрэргэ былаанныыр. Инициативаны хайыы үйэ РФ экэниэмикэ сайдыытын министиэристибэтэ уонна Бэрэсидьиэн иhинэн үлэлиир урбаанньыттар бырааптарын кѳмүскээhиҥҥэ боломуочунайа ѳйѳѳтүлэр.
Онтон ордуга, бастакы уочарат бэйэ дьарыктаахтар ѳйѳбүл миэрэтин тустарынан консультациялары ылыахтара диэн биисинэс-омбудсмен Борис Титов этэр.
Билигин Арассыыйаҕа барыта 7 мѳл. кэриҥэ бэйэ дьарыктаахтар бааллар. Бу бырайыак 2028 сылга диэри салҕанарын Бырабыыталыстыба Бэрэссэдээтэлэ Михаил Мишустин этэн турар.
-
0
-
0
-
0
-
0
-
0
-
1
