Уларыйыыларга сѳп түбэhиннэрэн, «Буойун эбээhинэhин уонна байыаннай сулууспа туhунан» сокуоҥҥа салааттар, мотуруостар, сержаннар, старшиналар, прапорщиктар уонна мичманнар сыбаанньалаах гражданнар саппааска сылдьар саҥа муҥутуур саастара кѳрүлүннэ. Маннык байыаннай эбээhинэстээхтэр муҥутуур саастара бастакы разрядка — 35-тэн 40 сааска диэри, икки разрядка — 45-тэн 50 сааска диэри уонна үhүс разрядка – 50-тан 55 сааска диэри үрдүүр.
Ону таhынан мобилизация резервэтигэр сылдьар саас үрдэтилиннэ. Ыстаарсай офицердарга – 65 сааhынан (бу иннинэ 60 саас), младшай офицердарга — 60 сааhынан (бу иннинэ 55 саас), оттон атын сыбаанньалаахтарга — 55 сааhынан (бу иннинэ 45 саас) саппааска сылдьар саас олохтонно, оттон үрдүкү офицердарга 70 сааhынан хаалла.
-
0
-
0
-
1
-
0
-
0
-
0
