«Тыйыс килиимэттээх услуобуйалаах Саха сирин норуотугар дьахтар уонна ийэ киһи кутугар сылаас уонна дууһа уоскуйуутун төрдө-төбөтө буолар. Бэйэтин тапталынан угуттаан, анаан-минээн харыстыыр аналынан кини дьиэ кэргэн киинэ буолар. Саха сирин ийэлэрин дьолуттан бүтүн уопсастыба дьоло тутулуктанар. Бу биһиги инники уонна кэлэр кэскилбитигэр саамай үрдүк сыаннастарбыт уонна тирэхпит. Ону бигэргэтэн, мин 2022 сылы Саха Өрөспүүбүлүкэтигэр Ийэ сылынан биллэрэбин», - диэтэ.
Маны таһынан, ийэ буолуу, оҕо саас саамай сытыы кыһалҕаларын быһаарыыларын түргэтэтиигэ олох-дьаһах, бодоруһуу, ийэ, дьахтар карьератыгар бастыҥ усулуобуйалары тэрийэр наадатын тоһоҕолоото.
«Ааспыт үйэттэн саха сирин дьахталларын олоҕо уларыйда. Саха дьахтара ситиһиилээх карьераны оҥостор - кинилэр чаҕылхай исписэлиистэр. Дьахталлар идэлээх уонна уопсастыбаннай көҕүлээһиннэрэ хайаан да олоххо киириэхтээхтэр – бу биһиги инникигэ хамсааныыбыт төрүөтэ. Саха сирин 100 сылыгар анаммыт тэрээһиннэригэр тэрилтэлэр көхтөөх кыттыыны ылыахтара диэн эрэнэбин. Уопсастыбаҕа Ийэ сылыгар ийэҕэ уонна дьахтарга ытыктабыллаах сыһыан истиҥ эйгэтин тэрийиэхтээхпит», - диэн эбэн эттэ баһылык.
-
1
-
0
-
0
-
0
-
0
-
0
