Парламентарийдар СӨ национальнай библиотекатын тиэргэнигэр дьаабылака, тирэх, сирень, эрэбиинэ мастарын угун олортулар. Ил Түмэн бэрэссэдээтэлин солбуйааччылара Антонина Григорьева, Виктор Губарев, сис кэмитиэт бэрэссэдээтэллэрэ Алена Атласова, Владимир Чичигинаров, Евгений Перфильев, норуот дьокутааттара Валерий Лютый, Павел Ксенофонтов, Вячеслав Макаров уонна Ил Түмэн аппаратын үлэһиттэрэ акцияҕа кыттыыны ыллылар. Ол туһунан Ил Түмэн пресс-сулууспата иһитиннэрэр.
Бу күн уопсайа 40 мас олордуллубут. Акция кыттааччыларыгар үүнээйини куоракка олордууга тустаах специалист Роман Григорьев сүбэ-ама буолбут. Инникитин Национальнай библиотека тиэргэнигэр “Литератордар сквердэрэ” оҥоһуллара былааннанарын туһунан библиотека үлэһитэ Светлана Попова эппит.
Акцияҕа көхтөөх кыттыыны ылбыт «Leto» куорат эйгэтин боппуруостарыгар киин бэрэстэбиитэлэ сквер 2022 сылтан тутуллан саҕаланарын туһунан иһитиннэрбит.
Балаҕан ыйынааҕы туругунан уопсайа өрөспүүбүлүкэ үрдүнэн 9,4 тыһыынча мас уонна талах уктара олордуллубуттар. Быйылгы акция балаҕан ыйын 30 күнүгэр түмүктэниэхтээх.
-
0
-
0
-
0
-
0
-
0
-
0
