Быйылгы сылга 18 ФАП тутулларын былааннаабыттар, ол онтон 8 пууна – Эдьигээн оройуонун Баханай нэһилиэгэр, Үөһээ Бүлүү Тамалакааныгар, Томпо оройуонун Охотский-Перевоз сэлиэнньэтигэр, Уссуйаана Юкагирыгар, Орто Халыма Березовкатыгар, Өлүөхүмэ улууһун Урицкойыгар, Сунтаар улууһун Толон нэһилиэгэр, Таатта улууһун Боробул нэһилиэгэр киирбиттэр.
Бу сыл түмүктэниэр диэри 10 ФАП Хаҥалас, Ньурба, Булуҥ, Чурапчы, Уус Алдан, Амма, Бүлүү, Мэҥэ Хаҥалас, Нам уонна Дьокуускай куорат Табаҕа сэлиэнньэтигэр үлэҕэ киирэрин туһунан СӨ доруобуйаҕа харыстабылын министиэристибэтин пресс-сулууспата иһитиннэрэр.
Фельдшерскэй пууннар эмп-том тэриллэринэн уонна миэбэлинэн хааччыллыбыттар. ФАП-тар “Доруобуйа харыстабыла” национальнай бырайыагынан мэдэссиинэ тэрилтэтэ суох нэһилиэнньэлээх пууннарга тутулаллар. Ол курдук 2019 сылтан уопсайа 18 ФАП үлэҕэ киирдэ: 2019 сылга – 10 ФАП, 2020 сылга – 8 ФАП. Бу сыл түмүктэниэр диэри өссө 10 пуун үлэҕэ киирэрэ былааннанар.
-
0
-
0
-
0
-
0
-
0
-
0
