Издательский дом Редакция Подписка
Погода в Якутске: . 11 oC

Тас дойдуларга оҥоһуллубут салгын аалларын уонна авиадвигателлэрин түүлэһии итиэннэ лизинг дуогабарын бэрээдэгэ бүгүҥҥүттэн олоххо киирдэ.

Тас дойдуларга оҥоһуллубут салгын аалларын уонна авиадвигателлэрин түүлэһии итиэннэ лизинг дуогабарын бэрээдэгэ бүгүҥҥүттэн олоххо киирдэ.

Бастакы сокуон – Арассыыйа Федерациятын Бырабыыталыстыбата 2022 сыл кулун тутар 19 күнүгэр таһаарбыт 412 №-дээх «Салгын Кодексатын 61-с ыстатыйатын 3-с пуунугар ыйыллыбыт сирэйдэринэн тас дойдулар сөмөлүөттэрин, бөртөлүөттэрин, авиационных двигателлэрин 2022 сылга түүлэһэр (лизиҥҥэ ылар) дуогабардарын толору уратыларын бигэргэтэр туһунан» Ыйааҕа.

Саҥа сокуон чэрчитинэн, дуогабары толорууга түүлэһээччи уонна түүлээччи икки ардыларыгар ыытыллар суот-учуот тас экэнэмиичэскэй үлэ эйгэтигэр анал дьаһалларын көрөр Арассыыйа сокуонугар олоҕуран оҥоһуллар. Түүлэһээччи тас дойдулар сөмөлүөттэрин уонна бөртөлүөттэрин, авиационнай двигателлэрин туһаныыны, көрүүнү-истиини Салгын Кодексатынан бигэргэммит федеральнай авиационнай быраабыла ирдэбиллэригэр сөп түбэһэрин туһунан докумуоннаах тэрилтэлэргэ хааччыйар. Тас дойдулар сөмөлүөттэрин, бөртөлүөттэрин страховкалааһын уонна кутталлаах түбэлтэлэртэн хос страховкалааһын Арассыыйа страховкалыыр, хос страховкалыыр тэрилтэригэр, дуогабарынан көрүллүбүт усулуобуйаларага олоҕуран оҥоһуллар. Ыйаах 2022 сыл олунньу 24 күнүгэр диэри түһэрсиллибит дуогабардарга сыһыаннаах.

Иккис сокуон – Арассыыйа Федерациятын Бырабыыталыстыбата 2022 сыл кулун тутар 21 күнүгэр таһаарбыт 418 №-дээх «Муоратааҕы ис уулар, территориятааҕы муора уонна Арассыыйа Федерациятыгар сыстар зона туһунан» федеральнай сокуон 6-с ыстатыйатын 2-с пуунун бастакы абзаһыгар көрүллүбүт хардары дьаһаллары киллэрэр биитэр көтүрэр туһунан быһаарыыны ылыныы уонна бэлэмнээһин Быраабылаларын бигэргэтэр туһунан» Ыйааҕа.

Бу атааннаах судаарыстыбалар аалларын Арассыыйа муоратааҕы пуортарыгар киллэрии бэрээдэгэ буолар. Атааннаах судаарыстыбалар аалларын Арассыыйа муоратааҕы пуортарыгар киллэрэр эбэтэр киллэрбэт туһунан быһаарыы Арассыыйа аалларын утары сааҥсыйаны киллэрии туһунан Тас дойдулар министиэристибэлэрин иһитиннэриитигэр олоҕурбут Арассыыйа Федерациятын Бырабыыталыстыбатын дьаһалын чэрчитинэн ылыллар. Арассыыйа пуортарыгар киириини бобуу атааннаах судаарыстыбалар бэйэлэрин пуортарыгар Арассыыйа ааллара киирэллэрин бобор туһунан быһаарыыларын көтүрбүттэрин кэнниттэн устуллуон сөп.

Үһүс сокуон – Арассыыйа Федерациятын Бырабыыталыстыбата 2022 сыл кулун тутар 21 күнүгэр таһаарбыт «Электроннай киэбинэн судаарыстыбаннай уонна муниципальнай бас билиини атыылааһыны тэрийэр уонна ыытар туһунан Бэрээдэккэ уларытыылары киллэрэр туһунан» 429 №-дээх Ыйааҕа.

Электроннай киэбинэн судаарыстыбаннай уонна муниципальнай бас билиини атыылааһын тэрийэр уона ыытар туһунан бэрээдэккэ уларытыылар киирдилэр. Электроннай былаһаакка оператора атыылар кыттааччыларын туһунан чахчылар конфиденциальностарын хааччыйыахтаах. Арай, атыылар тустарыгар официальнай сайтка уонна атыылааччы сайтыгар тахсар иһитиннэриилэр аһаҕас буолуохтарын сөп.

Төрдүс сокуон – Арассыыйа Федерациятын Бырабыыталыстыбата 2022 сыл кулун тутар 21 күнүгэр таһаарбыт «Арассыыйа Федерациятын Бырабыыталыстыбата 2021 сыл ахсынньы 21 күнүгэр таһаарбыт 2382 №-дээх ыйааҕар уларытыылары киллэрэр туһунан» 430 №-дээх ыйааҕа.

Гражданскай уонна служебнай сааны-саадаҕы итиэннэ кини сүрүн чаастарын, ботуруоннарын айан оҥорууну лицензиялааһын, оҥоруу, бэрэбиэркэлээһин, өрөмүөннээһин, утилицияҕа ыытыы быраабылалара чопчуланнылар. Бу быраабыла Арассыыйа Федерациятын Сэбилэниилээх Күүстэрин байыаннай чаастарыгар, тэрилтэлэригэр уонна Национальнай гвардияҕа сыһыана суох, өскөтүн кинилэр учредительнай докумуоннарыгар итинник көрүллүбэтэх буоллаҕына.

Бу туһунан «Парламентская газета» иһитиннэрдэ.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением