Издательский дом Редакция Подписка
Погода в Якутске: . -12 oC

Кулун тутар 23 күнүгэр Госдумаҕа РФ Бырабыыталыстыбатын 2022 сыллааҕы үлэтин отчуотугар Михаил Мишустин дойду экэниэмикэтэ тулуспутун, Арассыыйа биисинэhэ судаарыстыба ѳйѳбүлүнэн саҥа усулуобуйаларга адаптацияламмытын, социальнай кѳмѳ кэҥиирин, бэйэ дьарыктаахтары кытта эксперимент салҕанарын, анал байыаннай эпэрээссийэ кыттыылаахтарын ѳйүүр Пуонда үлэтин саҕалыырын уо.д.а. туhунан кэпсээтэ.

Кулун тутар 23 күнүгэр Госдумаҕа РФ Бырабыыталыстыбатын 2022 сыллааҕы үлэтин отчуотугар Михаил Мишустин дойду экэниэмикэтэ тулуспутун, Арассыыйа биисинэhэ судаарыстыба ѳйѳбүлүнэн саҥа усулуобуйаларга адаптацияламмытын, социальнай кѳмѳ кэҥиирин, бэйэ дьарыктаахтары кытта эксперимент салҕанарын, анал байыаннай эпэрээссийэ кыттыылаахтарын ѳйүүр Пуонда үлэтин саҕалыырын уо.д.а. туhунан кэпсээтэ.

Анал байыаннай эпэрээссийэ кыттыылаахтарын ѳйүүр Пуонда чугастааҕы ыйдарга бу дьайыы кыттыылаахтарыгар уонна ѳлбүт буойуттар дьиэ кэргэттэригэр юридическай, психологическай уонна медицинскэй, аадырыстаммыт кѳмѳнү оҥорон саҕалыаҕа.

Дойду экэниэмикэтэ үүнэр суолга тѳннүбүтэ бэлиэтэннэ. Ол курдук, сорох аан дойду тэрилтэлэрэ 2023-2024 сылларга биhиги экэниэмикэбит үчүгэй динамикатын прогнозтууллар. Арассыыйа биисинэhэ табаар-логистика ситимнэрин уларыта тутан, саҥа усулуобуйаларга үѳрэннэ. 2022 сылга 83 хампаанньа «нуучча офшордарыгар» регистрацияламмыттар, ол 2021 сыллааҕы кѳрдѳрүүттэн үс тѳгүл элбэх.

Социальнай кѳмѳ кэҥиир. 35 мѳл. кэриҥэ Арассыыйа олохтооҕо аадырыстаммыт кѳмѳнү автоматическайдык эбэтэр дистанционнайдык бэриллибит биир эрэ сайабылыанньаҕа олоҕуран ылар. Олунньу 1 күнүттэн ийэ хапытаала 12 % улаатта: бастакы оҕоҕо – 587 тыh. солк. кэриҥэ, оттон иккис оҕоҕо – 775 тыh. солк. тахса буолла. 8-ттан 17-гэр диэри саастаах оҕолорго тѳлѳбүрүнэн ааспыт сылга 3, 5 мѳл. тахса дьиэ кэргэн туhаммыт. Тѳлѳбүр кээмэйэ 6-ттан 12 тыh. солк. диэри ситуацияттан кѳрѳн халбаҥныыр.

Хамнас алын кээмэйэ (МРОТ) аныгыскы сылтан 18,5% улаатыаҕа.  Быйыл муус устар 1 күнүттэн былырыын бэс ыйыгар ыытыллыбыт индексацияҕа эбэн социальнай биэнсийэлэр улаатыахтара.

Бэйэ дьарыктаах буолууга эксперимент 2028 сылга диэри салҕаныаҕа. Бу эксперимеҥҥэ 7 мѳл. тахса киhи кыттыспыт, ол эрээри аҥардара тугу да декларациялаабатахтар. Онон бырайыак усулуобуйаларын ѳссѳ чопчулуохха наада.

Дойду авиациятыгар анаан сѳмѳлүѳттэри тутуу чѳлүгэр түhэриллэр. 2026 сылтан саҕалаан, сыл аайы араас модификациялаах 100-тэн тахса сѳмѳлүѳтү оҥорору былаанныыллар.

Источник уонна хаартыска: «Парламентскай хаhыат»

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением