Онон кэлэр нэдиэлэттэн фракциялар Бырабыыталыстыба Бэрэссэдээтэлэ Михаил Мишустины кытары, оттон кэмитиэттэр тустаах миниистирдэри кытары көрсүһүүлэрэ саҕаланыахтаах. Кыраапык быһыытынан, Бырабыыталыстыба Бэрэссэдээтэлин кытары бастакынан «Биир ньыгыл Арассыыйа» бэлитиичэскэй баартыйа фракцията, онтон КПРФ, салгыы ЛДПР, «Сиэрдээх Арассыыйа» уонна «Саҥа дьоннор» бэлитиичэскэй баартыйалар фракциялара көрсүһүөхтэрэ. Баар кыһалҕалары, быһаарыыны эрэйэр боппуруостары дьүүллэһэргэ бириэмэ ыгым буолбатын хааччыйан, быйыл көрсүһүүлэри эрдэ тэрийэргэ былааннаабыттар.
– Билигин биир ыйтан ордук бириэмэ баар, ити бэлэмнэнэргэ сөптөөх кэм. Фракциялар туруорар боппуруостарын Бырабыыталыстыбаҕа олунньу 2 күнүгэр диэри киллэриэхпит, онуоха ахсаан өттүнэн хааччах суох буолуоҕа, инньэ диэн биһиги эрдэ быһаарсан турабыт. Биһиэхэ атах тэпсэн олорон сэһэргэһэр ордук суолталаах, ол конструктивнай буолуоҕа, Бырабыыталыстыба дьокутааттар этиилэрэн болҕомтотугар ылар, – диэн этэр Вячеслав Володин.
Судаарыстыбаннай Дуума Бэрэссэдээтэлэ отчуокка бэлэмнэнэргэ кураанах куолунан дьону куттаабакка, сытыы уонна кыһалҕалаах боппуруостарга сөптөөх быһаарыылары тобулар улахан суолталааҕын тоһоҕолоон бэлиэтиир. "Туруоруллар боппуруос олус уустук да буолар түбэлтэтигэр, ону үчүгэйдик илдьиритиһэн, төрдүн-төбөтүн булан, сүбэнэн быһаарар эрэйиллэр", – диир. Бу туһунан Госдуума саайта суруйар.
Хаартыска: эрэдээксийэ пуондатыттан.
-
0
-
0
-
0
-
0
-
0
-
0
