Тустаах докумуон быһыытынан, өрөспүүбүлүкэҕэ быйылгыттан саҕалаан үс сыл устатыгар Арктиканы сайыннарыыга федеральнай бүддьүөттэн 1 миллиард 154 мөлүйүөн солкуобай көрүллүөҕэ: 2022 сылга – 384,7 мөл., 2023 сылга – 419,2 мөл., 2024 сылга – 350,4 мөл. солкуобай.
Бу үп Арктикатааҕы 13 улууска эргиэн-логистика кииннэрин тутууга туһаныллыаҕа. Ил Дархан Айсен Николаев хотугу улуустар хас биирдии нэһилиэктэригэр аһы-үөлү уонна туттар табаары тиэрдии тиһигин кэҥэтэр соругу туруорар. Сөбүлэһии чэрчитигэр Арктика улуустарыгар олорор оҕолор сынньалаҥнарын уонна доруобуйаларын туругун чэбдигирдии-бөҕөргөтүү, ону таһынан үөрэх тэрилтэлэрин тырааныспарынан, таба ыстаадаларын квадрокоптердарынан, эниэргийэ альтернативнай источниктарынан хааччыйыы итиэннэ материальнай-тэхэньиичэскэй базаны хаҥатыы боппуруостара эмиэ көрүлүннүлэр. Бу туһунан Ил Дархан уонна Бырабыыталыстыба пресс-сулууспата иһитиннэрэр.
Мария Васильева (ЯСИА) хаартыскаҕа түһэриитэ
-
0
-
0
-
0
-
0
-
0
-
0
