Издательский дом Редакция Подписка
Погода в Якутске: . -12 oC

Өлүөнэ өрүһү туоруур муостаны тутуу сүрүн түһүмэҕин -- бырайыагын-симиэтэтин докумуона -- Сүрүн судаарыстыбаннай экспертизаҕа киирдэ. Тутуу матырыйаалын сыаната ыараан, муостаны тутуу ороскуота улаатыан сөп диэн бырабыыталыстыба бэрэссэдээтэлин солбуйааччы Ольга Балабкина Telegramҥа иһитиннэрдэ.

Өлүөнэ өрүһү туоруур муостаны тутуу сүрүн түһүмэҕин -- бырайыагын-симиэтэтин докумуона -- Сүрүн судаарыстыбаннай экспертизаҕа киирдэ. Тутуу матырыйаалын сыаната ыараан, муостаны тутуу ороскуота улаатыан сөп диэн бырабыыталыстыба бэрэссэдээтэлин солбуйааччы Ольга Балабкина Telegramҥа иһитиннэрдэ.

Иллэрээ сыл өрөспүүбүлүкэ бырабыыталыстыбата уонна «Ахсыс концессионнай хампаанньа» муоста тутуутугар концессионнай сөбүлэһиигэ илии баттаспыттара.

Бырайыак уопсай үбүлээһинин кээмэйэ 83 миллиартан тахса солкуобай харчынан быһыллыбыта. Кэлин Арассыыйа Федерациятын вице-премьерэ Марат Хуснуллин бырайыак сыаната саҥаттан көрүллэн, 68 миллиарка диэри түһэриллибитин туһунан «Сонуннар» Арассыыйа иһитиннэрэр ааҕыныстыбатыгар эппитэ.

– Өлүөнэни туоруур муостаны тутуу иккис түһүмэҕин докумуона «Арассыыйа сүрүн судаарыстыбаннай экспертизата» федеральнай автономнай тэрилтэҕэ киирдэ, – диэтэ Ольга Балабкина.

Докумуону бэрэбиэркэлээһин хас да ыйга ыытыллыахтаах. Бырабыыталыстыба бэрэссэдээтэлин солбуйааччы бэлиэтээбитинэн, бырайыагы оҥорууга тас дойдуттан киллэриллэр матырыйаал туттуллуутун төрүт аччатарга суоттаммыт.

– Ол да буоллар, тутуу матырыйаалын сыаната ыараан, муостаны тутуу ороскуота улаатыан сөп, онуоха билигин экэнэмиичэскэй быһыы-майгы төһө даҕаны уустугурдар, дэтээл тиийбэт буолуута таһаарыллыа суохтаах. Ил Дархан Айсен Николаев эрдэ эппитин курдук, бырайыакка киллэриллибит дэтээллэри эйэлээх дойдулартан хааччыныахха сөп, – диэтэ бырабыыталыстыба бэрэссэдээтэлин солбуйааччы.

Бэлэмниир түһүмэх үлэни, бары инженернэй ситими тутууну, концессионер быйыл бүтэриэхтээх. Итиэннэ сыл бүтүүтүттэн муостаны тутуу сүрүн үлэлэрин саҕалыахтаах.

Өлүөнү өрүһү туоруур муоста тутуллуута өрөспүүбүлүкэ нэһилиэнньэтин 80 %-ын сылы эргиччи айанныыр суолунан хааччыйыаҕа. Муоста 14,7 км усталаах, итинтэн 3 килэмиэтир өрүс сүрүн үөһүнэн барар. Муоста сууккаҕа 6067 массыынаны аһардар кыамталаах буолара сабаҕаланар. Бу инвест-бырайыак Уһук Илини сайыннарыы национальнай бырагырааматыгар киллэриллибитэ.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
Лента новостей

Суоппар буолар уустугурда

Муус устар 1 күнүттэн байаҥкамаат бэбиэскэтиттэн куотунар дьону тырааныспары ыытар…
28.03.24 17:19
Лента новостей

Интерактивнай быыстапка

«Арассыыйа – Мин устуоруйам» мультимедийнай устуоруйа пааркатыгар кулун тутар 20 күнүттэн…
28.03.24 16:23