Онон билигин бэрт ыксалынан таһаҕас тиэйиитэ, дьон наадатын быһаарыыта-кэлиитэ хойдон ахан турар кэмэ. Бары эбэбитин туоруур күргэни ыра гыммыппыт букатын ыраатта. Туох да диэбит иһин, маныаха чопчу хамсааһын баар. Биллэрин курдук, Уhук Илиҥҥи уокурук социальнай-экэнэмиичэскэй сайдыытын национальнай бырагырааматыгар уонна дойду 5 сыллааҕы былааныгар күргэни тутуу боппуруоһа киллэриллэн турар.
“Ѳлүѳнэ муостата 3 федеральнай уонна 5 эрэгийиэннээҕи айан суолларын, тимир суолун магистралын, ѳрүс пуордун, аэропуорт бѳдѳҥ тырааныспардааҕы ситимнэрин холбуоҕа. Нэhилиэнньэ тырааныспарынан туhаныыта 20-ттэн 80 % диэри улаатыаҕа.
Ил Түмэн 2022 сылга ылыллыбыт Федерация Сэбиэтин «Саха Ѳрѳспүүбүлүкэтин социальнай-экэнэмиичэскэй сайдыытын судаарыстыбаннай ѳйѳбүлүн туhунан» уурааҕар Ѳлүѳнэ ѳрүhү туоруур муостаны тутуу паритетнай үбүлээhинин бэлиэтээтэ. Онон тутуу 50 % федеральнай бүддьүѳт суотугар, 50% эрэгийиэн сириэстибэлэрин уонна чааhынай инвестор сириэстибэлэрин суотугар ыытыллыаҕа. Бу биhиэхэ олус улахан суолталаах быhаарыы”, - диэн бэлиэтиир Ил Түмэн экэнэмиичэскэй, инвестиционнай уонна промышленнай бэлиитикэҕэ сис кэмитиэтин бэрэссэдээтэлэ Павел Петров.
-
0
-
0
-
0
-
0
-
0
-
0
