Мархатааҕы сибиинньэ комплекса саҥардыллар буолла
Издательский дом Редакция Подписка
Погода в Якутске: . -40 oC

Илиҥҥи экэниэмикэ пуорумугар Уһук Илини уонна Арктиканы сайыннарыы корпорациятын (КРДВ) генеральнай дириэктэрин экэниэмикэҕэ солбуйааччы Дарья Кирьянова, Саха Өрөспүүбүлүкэтин инвестициялары тардыыга уонна экспорты өйөөһүҥҥэ ааҕыныстыбатын генеральнай дириэктэрэ Анна Стручкова итиэннэ «Сибиир» бааһынай хаһаайыстыба баһылыга Денис Савостин агрокластеры тэрийэр туһунан үс өрүттээх сөбүлэһиигэ илии баттаатылар.

Илиҥҥи экэниэмикэ пуорумугар Уһук Илини уонна Арктиканы сайыннарыы корпорациятын (КРДВ) генеральнай дириэктэрин экэниэмикэҕэ солбуйааччы Дарья Кирьянова, Саха Өрөспүүбүлүкэтин инвестициялары тардыыга уонна экспорты өйөөһүҥҥэ ааҕыныстыбатын генеральнай дириэктэрэ Анна Стручкова итиэннэ «Сибиир» бааһынай хаһаайыстыба баһылыга Денис Савостин агрокластеры тэрийэр туһунан үс өрүттээх сөбүлэһиигэ илии баттаатылар.


Бу сөбүлэһии быһыытынан, агрокластер тэриллэн, Мархатааҕы «Сибиир» бааһынай хаһаайыстыба В.Б.Кабохин аатынан сибиинньэ комплекса аныгы технологиянан саҥардыллыаҕа итиэннэ аһылык технологиятын киинэ тутуллуоҕа. Оччотугар уотууга туруоруллар сибиинньэ ахсаана аҕыс төгүл улаатан 24 тыһыынчаҕа тиийиэҕэ, билигин 3,5 тыһыынча сибиинньэ уотуллар. Хаһаайыстыба өлүүтүгэр өрөспүүбүлүкэҕэ оҥоһуллар эт бородууксуйа 3 %-а тиксэр буоллаҕына, кэлэр өттүгэр бу көрдөрүү 30-40 % буолуоҕа.

– КРДВ-ны кытары түһэрсиллибит сөбүлэһии өрөспүүбүлүкэҕэ экэниэмикэни сайыннарыыга тирэх буолар агропромышленнай кластеры тэрийэргэ төһүү буолуоҕа. Комплекска саҥа технологиянан сэбилэннэҕинэ, бородууксуйаны оҥорон таһаарыы бэйэҕэ турар сыаната чэпчиэҕэ, сэртипикээттээһин уонна бэтэринээрийэ хонтуруолун нөҥүө ааһар буолан, хаачыстыбата тупсуоҕа. Олохтоох сибиинньэ этинэн хааччыныы саҥа таһымҥа тахсыаҕа, Саха сирин тас өттүгэр кытары биллэр эргиэн саҥа маарката үөскүөҕэ, – диэтэ Денис Савостин.

Даҕатан эттэххэ, «Сибирь» бааһынай хаһаайыстыба сибиинньэни иитиигэ өрөспүүбүлүкэ соҕотох племенной хаһаайыстыбата буолар.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением

Другие новости