2017 сыллаахха “Бүлүү” уопсастыбаннай экологическай кэмитиэт өрөспүүбүлүкэтээҕи экологическай форуму тэрийбитэ. Онно Бүлүү өрүс күнүн күнэ-дьыла чопчу бигэргэммитэ. Онтон ыла ыам ыйын 25 күнүгэр өрөспүүбүлүкэҕэ Бүлүү өрүс күнүн бэлиэтиир үтүө үгэс олохтоммута.
Бу күн Бүлүү өрүс экологиятыгар сыһыаннаах араас тэрээһиннэр, куонкурстар, субуотунньуктар ыытыллаллар. “Зеленый пояс Вилюя” экология пуондата өрөспүүбүлүкэ олохтоохторун бэлиэ күн тэрээһиннэригэр көхтөөхтүк кытталларыгар ыҥырар.
“Биһиги, Бүлүү сирин бары олохтоохторо, иитэн-аһатан олорор улуу эбэбитин кэлэр көлүөнэлэргэ хаалларарга кыһаллыахтаахпыт. Ити туһугар бу бырайыак, бу бэлиэ күн олохтоммута – Бүлүү өрүс күнэ”, – диэн уопсастыбаннай хамсааһын бар дьонугар туһаайар.
-
0
-
0
-
0
-
0
-
0
-
0
