Издательский дом Редакция Подписка
Погода в Якутске: . -14 oC

 «Агропромышленнай комплексы ресурсаларынан хааччыйыы киинэ” Саха Өрөспүүбүлүкэтин судаарыстыба хааһынатын тэрилтэтин салайааччытын солбуйааччы Дмитрий Филиппов уонна экэнэмиис Ньургуйаана Скрябина бу күннэргэ Анаабыр улууһугар үлэлээтилэр.

 «Агропромышленнай комплексы ресурсаларынан хааччыйыы киинэ” Саха Өрөспүүбүлүкэтин судаарыстыба хааһынатын тэрилтэтин салайааччытын солбуйааччы Дмитрий Филиппов уонна экэнэмиис Ньургуйаана Скрябина бу күннэргэ Анаабыр улууһугар үлэлээтилэр.

Өрөспүүбүлүкэ салалтата «Агропромышленнай комплексы ресурсаларынан хааччыйыы киинэ” СХТ 10 улууһу ылан, биэс сыл устатыгар үлэни-хамнаһы сүрүннээн көмөлөһөргө сорудахтаабыт. Бу уон улуус иһигэр табалаах кыраай, Анаабыр улууһа, эмиэ киллэриллибит.  Оробуочай сырыы түмүгүнэн,  Киин  исписэлиистэрэ  Туйаара Николаева салайар улуустааҕы тыа хаһаайыстыбатын управлениетын  кытта бииргэ үлэлииргэ сөбүлэҥ түһэристилэр.

Анабар_гун_--_3.jpg

Ыалдьыппыт Дмитрий Филиппов маннык кэпсээтэ:  

-- Биһигини улуус дьаһалтатыттан Иосиф Владимирович: "Тутаах салаабытын, табаны иитиини, кэлэҥҥит көрүҥ-истиҥ, саҥа идиэйэлэри сүбэлэһиэхпит", -- диэн ыҥырбыта. Бу түһэрсибит Сөбүлэҥмит хайысхалара элбэхтэр. Биһиги тэрилтэбит тыа хаһаайыстыбатынан дьарыктанар дьон судаарыстыба өттүттэн элбэх көмөнү ылалларыгар тирэх буолар соруктаах.  Анаабыр улууһугар кэлэр өттүгэр тыа хаһаайыстыбатын оҥорон таһаарар бородууксуйатын кээмэйэ улаатыннарыллыахтаах, этинэн уонна кэлэр сылларга  үүт астарынан хааччыйыы боппуруоһа турар. Бастатан туран, улуус тыатын хаһаайыстыбатын управлениетын исписэлиистэрин,  нэһилиэктэр баһылыктарын үөрэтиэхтээхпит, онтон тэрилтэлэри кытта үлэбитин саҕалыахтаахпыт. “Тыа хаһаайыстыбатын бэрэстэбиитэлэ бүтэһигин улуускутугар хаһан кэлэ сылдьыбытай?” -- диэн ыйытыыбар, "Хомойуох иһин,  биэс сылга бу бастакы кэллигит",-- диэтилэр. Мантан инньэ былаан быһыытынан, ыам  эбэтэр бэс ыйыгар кэлиэхпит.

Анабар_гун_--_2.jpg

Быйыл Анаабыр улууһугар 80 мөл. солк. таба салаатыгар көрүллэн турар. Үрүҥ Хайа нэһилиэнньэтин кытта көрсүбүппүтүгэр, олохтоохтор  атах тэпсэн олорон быһаарсыбатахтара ырааппытын, онон кыһалҕалара үгүһүн эттилэр. Ол да буоллар, санаалара кэскиллээх, олоххо көхтөөх, инникилэрин эрэллээхтик көрөллөр эбит.

Биһиги кинилэр ыйытыыларыгар хоруйдаатыбыт, тыа хаһаайыстыбатын кэпэрэтиибин, артыалы тэрийэргэ сүбэлээтибит. Онон тутатына куоластаан тэрийээччилэри таллыбыт, кэлэр нэдиэлэҕэ нолуок уорганнарыгар бу артыалы тэрийэр үлэни ыытыахпыт. Кэтэх ыаллар 3 тыһ. табаларын артыалга түмэммит, судаарыстыбаттан кэлэр көмөнү ыламмыт, табаһыттар хамнастарын икки төгүл элбэтэр усулуобуйаны оҥоруохтаахпыт.

Билиҥҥитэ кинилэр судаарыстыба өттүттэн тугу да ылбаттар, онон артыалы тэрийиигэ от ыйыгар диэри үлэлиэхпит. Бу улуус тэрилтэтэ буолуоҕа. Идиэйэбит үчүгэй уонна мөлтөх, сатаммат  өрүттэрин эмиэ ырытан көрдүбүт. Сүбэлэһэн баран, артыалы «Аартыка эрэлэ» диэн ааттаатыбыт, бу Анаабыр оройуонугар өрөспүүбүлүкэ  бастакы уопута диэн бэлиэтиэххэ наада. Саҥа артыал Аартыка туруктаахтык сайдыытын стратегиятыгар биир дьоҕус түһүмэх буолан сайдыыга сирдиэҕэр эрэнэбит.  

       Анаабыртан Гуннара Байгильдина

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
Лента новостей

Суоппар буолар уустугурда

Муус устар 1 күнүттэн байаҥкамаат бэбиэскэтиттэн куотунар дьону тырааныспары ыытар…
28.03.24 17:19
Лента новостей

Интерактивнай быыстапка

«Арассыыйа – Мин устуоруйам» мультимедийнай устуоруйа пааркатыгар кулун тутар 20 күнүттэн…
28.03.24 16:23