Издательский дом Редакция Подписка
Погода в Якутске: . -14 oC

Бу сыл балаҕан ыйын 1 күнүттэн «Бэтэринээрийэ туһунан» федеральнай сокуоҥҥа уларыйыы киирэринэн,  сүөһүнү, сибиинньэни, барааны, козаны, дьиэ көтөрүн, куруолугу, ыҥырыаны, уо.д.а. дьиэ кыылларын учуоттааһын уонна маркировкалааһын булгуччулаах буолар.

Бу сыл балаҕан ыйын 1 күнүттэн «Бэтэринээрийэ туһунан» федеральнай сокуоҥҥа уларыйыы киирэринэн,  сүөһүнү, сибиинньэни, барааны, козаны, дьиэ көтөрүн, куруолугу, ыҥырыаны, уо.д.а. дьиэ кыылларын учуоттааһын уонна маркировкалааһын булгуччулаах буолар.

Оттон сокуонунан олоххо киирэр тыа хаһаайыстыбатын кыылын-сүөлүн булгуччулаах маркировкалааһын ирдэбилэ  2024 сыл кулун тутар 1 күнүттэн  хонтуруолланар. Маныаха бу күннэргэ Тыа хаһаайыстыбатын министиэристибэтэ булгуччулаах маркировкалааһыҥҥа уонна учуоттааһыҥҥа хабыллар тыа хаһаайыстыбатын кыылын-сүөлүн испииһэгин бигэргэтиэхтээх. Ол курдук, сүөһүнү, сылгыны  чииптээһин, сибиинньэни, барааны, козаны, кууруссаны, кустары бөлөхтөрүнэн арааран штрих-код ньымаларынан маркировкаланыахтаах. 

Саҥа быраабыла барыларыгар булгуччулаахтык ирдэнэр, ол иһигэр бөдөҥ, орто уонна бытархай тыа хаһаайыстыбатын тэрилтэлэригэр, пиэрмэрдэргэ, ону тэҥэ дьиэ кыылларын тутар биирдиилээн гражданнарга.

Учуоттааһыҥҥа өҥө оҥоруу босхо, ол эрэн, бас билээччи тыа хаһаайыстыбатын кыылын-сүөлүн маркировкалыыр ньыматын бэйэтэ талар уонна бииркэни, микрочиибы, эбэтэр моойторугу бэйэтэ атыылаһар эбээһинэстэнэр. Холобур, бииркэ сыаната ортотунан 140-160 солк.

Быһаарыы суругунан маркировка сыаната маннык быһылынна: пластмассабай бииркэ 14-20 солк., туруоруута 50-70 солк.; тирии анныгар угуллар микрочиип 90-140 солк., туруоруута 50-100 солк.; болюс 150-200 солк., киллэриитэ 100-150 солк.; татуировкалааһын уонна тавролааһын 200-500 солк.; биһилэх 5-10 солк., кэтэрии 20-50 солк.; моойторук 150-250 солк.

Хос быһааран эттэххэ, саҥа быраабыланан хас биирдии кыылга олоҕун устата сылдьар анал нүөмэр (УИН) бэриллэр. Бу дааннайдар бары «Хорриот» биир кэлим информационнай тиһиккэ түмүллэр. Кыыл карточкатыгар сааһа, биологическай көрүҥэ, боруодата, маркировкалааһын көрүҥэ уонна бас билээччи дааннайдара суруллуохтара. Саҥа сокуоҥҥа ыйылларынан, маркировкаламмыт сүөһүлэр, ол иһигэр омук сириттэн аҕалыллыбыттар, иккистээн бэлиэтэммэттэр.

Санаттахха, Саха Өрөспүүбүлүкэтигэр ынах сүөһүгэ уонна куоскаҕа маркировканы туруоруу үлэтэ 2020 сылтан саҕаламмыта. Онон, бас билии көрүҥүттэн тутулуга суох өрөспүүбүлүкэ сүөһүтүн 60 %-на, ыт 80 %-на маркировкаламмыта.

  • 1
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением